Մոսկվայի օդանավակայաններում հարյուրավոր չվերթներ են հետաձգվել մայրաքաղաքի վրա ԱԹՍ-ի հարձակման ֆոնին: Այս մասին են վկայում առցանց ցուցատախտակի տվյալները։
Գրեթե 52 չվերթ հետաձգվել է, իսկ 62-ը՝ ընդհանրապես չեղարկվել։
Ամերիկյան HBO հեռուստաալիքը վերջապես ներկայացրել է «Հարրի Փոթեր» ֆանտաստիկ ժանրի սերիալում գլխավոր երեք հերոսների դերակատարներին, հայտնում է telegraph.co.uk-ը՝ մանրամասնելով, որ խոսքը մանկահասակ հրաշագործներ Հարրի Փոթերի, Ռոն Ուիզլիի և Հերմիոնա Գրենջերի մասին է:
Փոթերին մարմնավորելու է շոտլանդացի Դոմինիկ ՄըքԼաֆլինը, Գրենջերին՝ Արաբելլա Սթանթոնը, իսկ Ուիզլիին՝ Ալասթեր Սթաութը: Հայտնի է, որ դերընտրման գործընթացին մասնակցել է ավելի քան 30,000 երեխա:
Սերիալի նկարահանումները կմեկնարկեն այս ամառ: Գործադիր պրոդյուսերը Հարրի Փոթերի մասին գրքերի շարքի հեղինակ Ջոան Ռոուլինգն է:
Քաղաքական ընդդիմախոսները ճիշտ կանեն իրենց տոնայնությունը զսպեն, որովհետև իրենք շատ վտանգավոր տոնայնությամբ են խոսում, այդ տոնայնությունները բերում են նմանատիպ միջադեպերի: Այս մասին Ապարանում լրագրողների հետ զրույցում ասաց Երևանի քաղաքապետ Տիգրան Ավինյանը՝ անսդրադառնալով Նոր Նորք վարչական շրջանի արդեն նախկին ղեկավար Տիգրան Մարգարյանի և աշխատակիցների կողմից ակտիվիստ Արթուր Չախոյանին ծեծի ենթարկելու միջադեպին:
«Չնայած՝ ես մեր բոլոր գործընկերներին զգուշացրել եմ որ մեր ընդդիմախոսները գնում են պարբերաբար սադրանքների, ու ես չեմ կարող իրենց ամեն սադրանքի համար պատասխան տալ»,- ասաց նա:
Ավինյանը հավելեց, որ ամեն դեպքում պաշտոնյաները պետք է զսպվածություն ցուցաբերեն և չտրվեն սադրանքներին: «Մեզ համար բռնությունն անընդունելի է»,-ասաց նա։
Հարցին՝ քաղաքական պատասխանատվություն լինելո՞ւ է, նա ասաց, որ Մարգարյանի հրաժարականը համաչափ և համադրելի քաղաքական պատասխանատվություն է եղել:
Ինչ վերաբերում է դիտարկմանը, որ կոռուպցիայի մասին է բարձրաձայնվել, նա նշեց, որ այնտեղ որևէ կոռուպցիա չի եղել և որ այդ ամենն ուղղակի սադրանք էր:
Դիտարկմանն էլ՝ Ձեր անունը անընդհատ «ԱՆԻՖ»-ի ու կոռուպցիայի հետ է կապվում, Ավինյանը նշեց. ««ԱՆԻՖ»-ում կոռուպցիա չկա ու չի եղել»:
ԱՄՆ-ի պետքարտուղար Մարկո Ռուբիոյի վերջին շնորհավորական ուղերձում նշված է, որ Վաշինգտոնը ճանաչում է արհեստածին Ադրբեջանի աճող նշանակությունը՝ որպես «տրանսպորտային հանգույց և էներգիայի մատակարար»։ Այս մասին գրել է իրանագետ Վարդան Ոսկանյանը:
«Մինչ Բաքվի բարբարոսական վարչախմբի բռնապետը կոկորդ է պատռում, թե, իբր, իր երկիրը աշխարհաքաղաքական կարևոր դերակատար է դարձել, ԱՄՆ-ում այն, փաստացիորեն ճանաչում են բացառապես՝ որպես «մայրուղի և գազի ու բենզինի լցակայան»:
Եթե մենք ցանկանում ենք անվտանգ ապրել այս տարածաշրջանում և կտրուկ վերջ դնել Բաքվի բարբարոսական վարչախմբից եկող հարաճուն վտանգին, ապա պետք է կառուցենք այնպիսի Հայաստան, որ այդ «մայրուղին և լցակայանը», ինչպես նաև դրանցից օգտվողները հստակորեն գիտակցեն, որ մեզ սպառանցող գոյութենական վտանգի դեպքում «մայրուղին և լցակայանն» ուղղակի հօդս կցնդեն հայկական հուժկու հրթիռային հարվածներից»,-գրել է նա:
Թուրքիայի նախագահ Ռեջեփ Թայիփ Էրդողանը մայիսի 28-ի առավոտյան այցով ժամանել է Ադրբեջան։ Ինչպես տեղեկացրել է APA-ն, Էրդողանի ինքնաթիռը վայրէջք է կատարել Լաչինի միջազգային օդանավակայանում, որի բացումը տեղի է ունեցել այսօր, Էրդողանի եւ Ալիեւի մասնակցությամբ։
Նշենք, որ այսօր տեղի կունենա Թուրքիա-Ադրբեջան-Պակիստան եռակողմ գագաթաժողովի 2-րդ նիստը՝ Ադրբեջանի նախագահ Իլհամ Ալիեւի, Թուրքիայի նախագահի եւ Պակիստանի վարչապետ Շահբազ Շարիֆի մասնակցությամբ։
Ամերիկյան հետախուզությունը հաշվարկել է, որ Իսրայելը կարող է պատրաստվել Իրանի վրա հարձակման ընդամենը յոթ ժամում։ ԱՄՆ նախագահ Դոնալդ Թրամփի Մերձավոր Արեւելք կատարած այցից առաջ իսրայելցի պաշտոնյաները նախազգուշացրել են Վաշինգտոնին Իրանի միջուկային օբյեկտների վրա հարձակվելու պատրաստակամության մասին, հայտնել է The New York Times-ը (NYT)՝ հղում կատարելով աղբյուրներին։
Նրանց տեղեկացմամբ՝ Իսրայելը հանդես է գալիս Իրանի կողմից ուրանի հարստացման ամբողջական դադարեցման եւ իրանական միջուկային բոլոր օբյեկտների ապամոնտաժման օգտին։ Իսրայելի պաշտոնյաները վախենում են, որ Թրամփը Իրանի միջուկային ծրագրի շուրջ գործարք կնքելու իր ջանքերում թույլ կտա Թեհրանին թողնել դրանք։
Ավելի վաղ, ինչպես հաղորդել է Axios պորտալը, հղում կատարելով աղբյուրներին, Թրամփն Իսրայելի վարչապետ Բենիամին Նեթանյահուին ասել է, որ պետք է զերծ մնալ ցանկացած գործողությունից, որը կարող է խոչընդոտել Իրանի միջուկային ծրագրի շուրջ բանակցային գործընթացին։
Իրանի եւ ԱՄՆ ներկայացուցիչները մայիսի 23-ին Հռոմում անցկացրել են Թեհրանի միջուկային ծրագրի շուրջ բանակցությունների հինգերորդ փուլը, որի միջնորդն էր Օմանը: Խորհրդակցություններից հետո Օմանի արտաքին գործերի նախարար Բադր ալ-Բուսաիդին զեկուցել է, որ «որոշակի, բայց ոչ վերջնական առաջընթաց» է ձեռք բերվել: Ինչպես հայտնել է նրա իրանցի գործընկեր Աբաս Արաղչին, Թեհրանը եւ Վաշինգտոնը հուսով են մեկ-երկու հանդիպման ընթացքում հասնել դրական արդյունքների։
Կարևոր է, որ Եվրասիան լինի խաղաղության և կայունության տարածք։ Անվտանգության նոր ճարտարապետությունը պետք է լինի հավասար և անբաժանելի. բոլոր պետությունները պետք է ստանան սեփական անվտանգության ամուր երաշխիքներ, բայց ոչ ի հաշիվ այլ երկրների անվտանգության և շահերի: Այս մասին հայտարարել է ՌԴ նախագահ Վլադիմիր Պուտինը։
«Կարևոր է մեր մայրցամաքը դարձնել խաղաղության և կայունության տարածք, կայուն տնտեսական, սոցիալական և մշակութային զարգացման օրինակ», - Մոսկվայում անվտանգության հարցերը համակարգող բարձրաստիճան ներկայացուցիչների միջազգային հանդիպման մասնակիցներին ուղղված տեսաուղերձում ասել է Պուտինը:
Նրա խոսքով՝ Ռուսաստանի մոտեցումները մնում են սկզբունքային և անփոփոխ։
«Բազմիցս ասել եմ և կրկնում եմ՝ մենք համոզված ենք, որ անվտանգության նոր ճարտարապետությունը պետք է լինի հավասար և անբաժանելի, այսինքն՝ բոլոր պետությունները պետք է ստանան սեփական անվտանգության ամուր երաշխիքներ, բայց ոչ ի հաշիվ այլ երկրների անվտանգության և շահերի», – ասել է Պուտինը:
Ինչպես նշել է Ռուսաստանի նախագահը, Եվրասիայում անվտանգության համընդհանուր համակարգի ստեղծման հիմք կարող են դառնալ փոխգործակցության այնպիսի ձևաչափեր, ինչպիսիք են ՇՀԿ-ն, ԵԱՏՄ-ն, ՀԱՊԿ-ը:
«Կարծում ենք, որ նման ունիվերսալ համակարգի անվտանգության ստեղծման համար հիմք կարող էին դառնալ փոխգործակցության արդեն իսկ գոյություն ունեցող և լավ հաստատված բազմակողմ ձևաչափերը, ինչպիսիք են Շանհայի համագործակցության կազմակերպությունը, Եվրասիական տնտեսական միությունը, Հավաքական անվտանգության պայմանագրի կազմակերպությունը, Հարավարևելյան Ասիայի պետությունների ասոցիացիան և այլն»,-ասել է Ռուսաստանի նախագահը:
Հավելենք, որ անվտանգության հարցերը համակարգող բարձրաստիճան ներկայացուցիչների տասներեքերորդ միջազգային հանդիպումը տեղի է ունենում Մոսկվայում 2025 թվականի մայիսի 27-29-ը՝ ՌԴ Անվտանգության խորհրդի քարտուղար Սերգեյ Շոյգուի նախագահությամբ: Հայաստանն այս հանդիպմանը ներկայացնում է ՌԴ–ում ՀՀ դեսպան Գուրգեն Արսենյանը։
Ռուսաստանի արտաքին գործերի նախարար Սերգեյ Լավրովը հայտարարել է, որ Ուկրաինայի հետ բանակցությունների նոր փուլի ամսաթիվը կհայտարարվի մոտ ապագայում։ Այս մասին հայտնում են ռուսական լրատվամիջոցները։
«Առաջիկայում մենք կհայտարարենք ուղիղ բանակցությունների հաջորդ փուլի մասին», - ասել է նա։ Նշենք, որ Ռուսաստանի և Ուկրաինայի միջեւ բանակցությունների առաջին փուլը կայացել է մայիսի 16-ին Ստամբուլում։
Հույս կա, որ 2026 թվականին պատերազմը կավարտվի, և ռուսական տնտեսությունը կհայտնվի ուժեղ պատժամիջոցների տակ, սակայն դրա համար անհրաժեշտ են Ռուսաստանի Դաշնության վրա ճնշում գործադրելու ուժեղ քայլեր։ Ինչպես հաղորդում է UNIAN-ի թղթակիցը, այս մասին մայիսի 27-ին լրագրողների հետ հանդիպման ժամանակ ասել է Ուկրաինայի նախագահ Վլադիմիր Զելենսկին։
«Իհարկե, մենք հասկանում ենք բազմաթիվ հետախուզական գործակալությունների, շատ երկրների, վերլուծականների վերլուծությունը: 2026 թվականի հունիս. մենք բոլորս հույս ունենք, որ պատերազմ չի լինի: Բայց միևնույն ժամանակ հասկանում ենք, որ ռուսները կզգան արդեն ընդունված պատժամիջոցների տնտեսական ազդեցությունը: Մենք հասկանում ենք, թե բյուջեի դեֆիցիտը որքան է լինելու: Միգուցե դա աղետալի չէ նրանց տնտեսության համար, քանի որ այն հիմնականում ստվերային է»,- ասել է Զելենսկին։
Միևնույն ժամանակ, ըստ նրա, դժվար է վերլուծել, թե որքան ռեզերվ ունի ՌԴ-ն պատերազմը շարունակելու համար։
Ուկրաինայի նախագահ Վլադիմիր Զելենսկին հայտարարել է, որ Ռուսաստանը ավելի քան 50 հազար զինծառայող է կենտրոնացրել Սումիի մարզի հետ սահմանի մոտ։ Նրա խոսքով՝ Մոսկվան պատրաստվում է լայնածավալ հարձակման Ուկրաինայի հյուսիս-արևելքում, սակայն Կիևն արդեն միջոցներ է ձեռնարկում դա կանխելու համար։
«Ինչ վերաբերում է Սումիի ուղղությանը, նրանց ամենամեծ, ամենահզոր զորքերը այսօր գտնվում են Կուրսկի ուղղությամբ: Մեր զորքերին Կուրսկի շրջանից դուրս մղելու և Սումիի շրջանի դեմ հարձակողական գործողություններ նախապատրաստելու համար: «Այս բուֆերային գոտին կառուցելու համար, որը նրանք անվանում են, 10 կիլոմետր խորությամբ Ուկրաինա»,- ասել է Զելենսկին մամուլի ասուլիսում։
Սումի քաղաքը գտնվում է Կուրսկի շրջանի վարչական սահմանից 30 կիլոմետր հեռավորության վրա և վերջին շաբաթներին պարբերաբար ենթարկվում է հրետակոծությունների և անօդաչու սարքերի հարձակումների։ Ուկրաինայի իշխանություններն իրենց հերթին զգուշացնում են ռազմաճակատի այս հատվածում էսկալացիայի մեծ հավանականության մասին և ուժեղացնում են պաշտպանական գծերը տարածաշրջանում։
Ֆոտո
