«Ստրիպտիզի պարուհիները» ֆիլմն արգելվել է Մալայզիայում անպարկեշտ բովանդակության համար

^{Ջենիֆեր Լոպեսի մասնակցությամբ «Ստրիպտիզի պարուհիները» ֆիլմի ցուցադրությունն արգելվել է Մալայզիայում՝ մեծ թվով «անպարկեշտ» բովանդակությամբ տեսարանների պատճառով, հայտնում է Independent-ը:}

^{Ֆիլմերի գրաքննության բաժնում որոշել են, որ մերկ կրծքերը, էրոտիկ պարերը և թմրանյութերով տեսարանները «անպատշաճ են հանրային դիտումների համար»:}

^{Ֆիլմում երևում է, թե ինչպես են ստրիպ-բարի պարուհիները գումար գողանում Wall Street-ից հարուստ հաճախորդներից, երբ նրանք գտնվում են հոգեմետ նյութերի ազդեցության տակ:}

^{«Square Box Pictures» ընկերությունը, որը զբաղվում է Մալայզիայում «Ստրիպտիզի պարուհիների» ներկայացմամբ, իր Instagram-ում հաստատել է արգելքի մասին տեղեկությունը. «Մենք բարձր ենք գնահատում երկրպագուների և կինոսերների աջակցությունը, բայց մենք չենք կարող ցուցադրել այս ֆիլմը: Անկեղծորեն ներողություն ենք խնդրում ձեզ հուսախաբ անելու համար»:}

^{Բացի Ջենիֆեր Լոպեսից, նախագծում նկարահանվել են Քոնստանս Վուն, Ջուլիա Սթայլզը, Լիզոն, Քիկի Փալմերը և Լիլի Ռեյնհարթը:}