Փոխվարչապետը հրաժարական է տվել՝ սկանդալային տեսագրության հրապարակումից հետո

Խորվաթիայի փոխվարչապետ Յոսիպ Դաբրոն հրաժարական է տվել այն բանից հետո, երբ կադրեր են հայտնվել, թե ինչպես է նա անկանոն կրակում ընթացող մեքենայից, հայտնում է BBC News-ը։

Տեսանյութում երևում է, որ Դաբրոն նստած է ուղևորի նստարանին, զրուցում, ծիծաղում և բարձր երաժշտության ներքո երգում, նախքան հանում է ատրճանակը և բաց պատուհանից կրակում մթության մեջ:

Դաբրոն, ով ներկայացնում է ծայրահեղ աջ ազգայնական «Շարժում հանուն հայրենիքի» կուսակցությունը, ասում է, որ տեսահոլովակը նկարահանվել է մի քանի տարի առաջ, և որ ինքը կրակել է ուսումնական փամփուշտներով:

Ֆեյսբուքում հրապարակված հրաժարականի դիմումում Դաբրոն, ով նաև գյուղատնտեսության, անտառային տնտեսության և ձկնաբուծության նախարար էր, ասաց, որ չի ցանկանում շեղել կառավարության ուշադրությունը։

Նա ասաց, որ իր նկատմամբ «զգալի ճնշումներ և սպառնալիքներ» են ենթարկվել՝ կապված նախարարությունում բարեփոխումներ իրականացնելու ծրագրերի հետ: Տեսանյութը հրապարակվել է այս շաբաթվա սկզբին։

Դաբրոյի կուսակցությունը վարչապետ Անդրեյ Պլենկովիչի աջ կենտրոնամետ Խորվաթիայի դեմոկրատական ​​միություն (HDZ) կուսակցության հետ կոալիցիոն կառավարության մաս է կազմում։