Ադրբեջանի ԱԳՆ-ն պայմաններ է առաջադրել Հայաստանի հետ խաղաղության համաձայնագրի ստորագրման համար։
«Մենք գոհունակությամբ նշում ենք Ադրբեջանի և Հայաստանի միջև խաղաղության և միջպետական հարաբերությունների հաստատման մասին համաձայնագրի նախագծի տեքստի շուրջ բանակցությունների ավարտը։ Միևնույն ժամանակ, ևս մեկ անգամ ուշադրություն ենք հրավիրում Ադրբեջանի այն հիմնարար դիրքորոշման վրա, որ բանակցությունների տեքստի ստորագրման հիմնական պայմանը Հայաստանի Սահմանադրության մեջ փոփոխություններ մտցնելն է՝ Ադրբեջանի ինքնիշխանության և տարածքային ամբողջականության նկատմամբ հավակնությունները վերացնելու նպատակով։ Միևնույն ժամանակ ընդգծում ենք ԵԱՀԿ Մինսկի խմբի հնացած և անգործունակ ԵԱՀԿ Մինսկի խմբի և դրա հարակից կառույցների պաշտոնական լուծարման անհրաժեշտությունը։ Մենք պատրաստ ենք շարունակել երկկողմ երկխոսությունը երկու երկրների միջև հարաբերությունների կարգավորման գործընթացի առնչությամբ այս և այլ հարցերի շուրջ»,- ասված է ադրբեջանական լրատվամիջոցների տարածած հայտարարության մեջ։
Ավելի վաղ Հայաստանի արտգործնախարարությունը հայտարարել էր բանակցությունների ավարտի և տեքստի շուրջ համաձայնության մասին, ինչպես նաև նշել էր Բաքվի դժկամությունը միասնական հայտարարություն տարածելու հարցում։
0Comments