Պորտուգալիայի հավաքականի եւ սաուդյան «Ալ Նասրի» 38-ամյա հարձակվող Կրիշտիանու Ռոնալդուն գնահատել է պորտուգալացիների հնարավորությունները ամռանը Գերմանիայում անցկացվելիք Եվրո-2024-ում։
«Պորտուգալիան ունի հավաքական, որը կարող է նվաճել Եվրո-2024-ի գավաթն այնպես, ինչպես 2016-ի Եվրոպայի առաջնությունում։ Այն ժամանակ մենք ֆավորիտ չէինք համարվում։ Հիմա Պորտուգալիայի հավաքականին այլ կերպ են վերաբերվում։
Մենք պետք է մեկնենք տրամադրվածությամբ, որ կհաղթենք եւ պետք է հետապնդենք այդ նպատակը»,- Ռոնալդուի խոսքը մեջբերում է Record-ը։
Եվրո-2024-ի խմբային փուլում Պորտուգալիայի մրցակիցները կլինեն Թուրքիան, Չեխիան եւ որակավորման անցումային փուլում ուղեգիր նվաճած եւս մեկ թիմ։
Եվրոպայի առաջնությունը կանցկացվի հունիսի 14-ից հուլիսի 14-ը։
0Comments