Մերիլենդ նահանգի բնակչուհին, որը 50․000 դոլար է շահել Pick 5 վիճակախաղով, ասել է, որ երազում է տեսել շահած թվերը, հայտնում է UPI-ն։
Փրինս-Ջորջ շրջանի բնակչուհին պատմել է Մերիլենդի վիճակախաղի պաշտոնյաներին, որ դեկտեմբերին երազում թվերի շարք է տեսել, որոնք մնացել են նրա մտքում արթնանալուց հետո:
Կինը վիճակախաղի ժամանակ օգտագործել է 9-9-0-0-0 թվերը։
Այդ թվերը կնոջը 50․000 դոլարի շահում են բերել դեկտեմբերի 20-ի երեկոյան խաղարկությունում:
«Կինս ինձ ցույց տվեց, բայց դրանք ինձ իրական չէին թվում»,- ասել է շահողի ամուսինը։
Զույգն ասել է, որ դեռ մտածում է, թե ինչի վրա ծախսեն իրենց մրցանակը:
«Ինչ որ կուզի,- պատասխանել է ամուսինը,- բայց արդեն մեր թոռների համար ինչ-որ բան ունենք Սուրբ Ծննդի համար»:
0Comments