Հայտնի Midjourney նեյրոնային ցանցը, որը նախկինում հասանելի էր միայն Discord-ի միջոցով, այժմ աշխատում է որպես վեբ հավելված: Ծառայությանը մուտք գործելու համար, news.am-ի փոխանցմամբ, օգտատերերը պետք է մուտք գործեն Midjourney պաշտոնական կայք:
Գրանցվելուց հետո դուք ստանում եք անվճար մուտք, որը թույլ է տալիս ստեղծել մինչև 25 պատկեր: Յուրաքանչյուր հարցմանը ի պատասխան ստեղծվում է միանգամից չորս տարբեր պատկեր, որոնցից կարող եք ընտրել լավագույնը: Այս պատկերները հնարավոր է խմբագրվել և պահպանել ձեր սարքում:
Նախկինում Midjourney-ի միջոցով պատկերների ստեղծումն ու խմբագրումը տեղի էր ունենում բացառապես Discord սերվերի չաթբոտի միջոցով, որը միշտ չէ, որ հարմար էր: Այժմ վեբ տարբերակը առաջարկում է ավելի հարմար և ինտուիտիվ ինտերֆեյս՝ միաժամանակ պահպանելով Discord-ում առկա բոլոր գործառույթները:
Օգտատերերի համար, ովքեր ցանկանում են ավելի շատ հնարավորություններ, հասանելի են բաժանորդագրության չորս տարբերակներ՝ Basic, Standard, Pro և Mega, որոնց արժեքը տատանվում է $10-ից $120-ի սահմաններում:
0Comments