Հանձնարարել եմ, որ մեկ ամիս արցախցի վարորդների նկատմամբ տուգանք չկիրառվի, միայն՝ նախազգուշացում:
Այս մասին ԱԺ-Կառավարություն հարցուպատասխանի ժամանակ հայտնեց ՆԳն նախարար Վահե Ղազարյանը՝ արձագանքելով հարցին, թե արդյոք, հաշվի առնելով մի շարք օբյեկտիվ պատճառներ, հնարավոր չէ տուգանված արցախցի վարորդների տուգանքները հանվեն կամ լուծարվեն:
«ԼՂ-ի բնակիչների տրանսպորտային միջոցների վարելու հետ կապված վարչական արձանագրությունների վիճակագրական տվյալներ մենք չունենք, սակայն կուզեմ նշեմ, որ ունենք գույքային և մարմնական վնասվածքներով պատահարների դեպքեր»,- ասել է նա:
Նա նշում է, որ իր կողմից տրվել է հանձնարարական պարեկային ծառայությանը և ճանապարհային ոստիկանությանն, որպեսզի մեկ ամիս լինեն բավականին մեղմ և ոչ մի վարչական արձանագրություններ չկազմեն, միայն և միայն նախազգուշական:
«Սակայն, կուզեի մի քանի փաստեր արձանագրել, կեզծ համարանիշներով, կողային ապակիները թաղանթապատված վարելը ես գտնում եմ, որ ճիշտ չէ»,- ասել է նա:
0Comments