«ՀՀ ԶՈՒ ԳՇ պետն անտեղյակ է օպերատիվ իրավիճակից». Ադրբեջանի ՊՆ

Ադրբեջանի ՊՆ-ն հերքում է Հայաստանի ԶՈւ ԳՇ շտաբի պետ Էդվարդ Ասրյանի հայտարարությունն առ այն, որ ադրբեջանական զորքերը հետ են քաշվել։

Ըստ հակառակորդի պաշտպանական գերատեսչության` փոփոխություններ չեն եղել, և ադրբեջանական ստորաբաժանումները շարունակում են մարտական ​​հերթապահություն իրականացնել իրենց նախկին դիրքերում։

«Հայաստանի զինված ուժերի գլխավոր շտաբի պետը տեղյակ չէ օպերատիվ իրավիճակից, փոփոխություններ տեղի չեն ունեցել, և ադրբեջանական ստորաբաժանումները շարունակում են մարտական ​​հերթապահություն իրականացնել իրենց նախկին դիրքերում»,- ընդգծել են գերատեսչությունում։