Եվրոպայի համագործակցության և անվտանգության կազմակերպության (ԵԱՀԿ) գլխավոր քարտուղար Հելգա Շմիդը Անկարայում Դեսպանների 13-րդ համաժողովի բացմանը հայտարարել է, որ ողջունում է Թուրքիայի և Հայաստանի ջանքերը հարաբերությունների կարգավորման ուղղությամբ:
Այս համատեքստում նա հավելել է, որ կհանդիպի Թուրքիայի՝ Հայաստանի հետ հարաբերությունների կարգավորման գծով հատուկ ներկայացուցիչ Սերդար Քըլըչի հետ, գրում է Anadolu գործակալությունը:
Շմիդը նաև նշել է, որ Թուրքիայի ներդրումը Հայաստանի և Ադրբեջանի միջև հարաբերությունների կարգավորման գործընթացում և շահագրգիռ կողմերի հետ աշխատելը շատ կարևոր է իրենց համար։
Հիշեցնենք, որ Հայաստան-Թուրքիա երկխոսության գործընթացում Հայաստանի հատուկ ներկայացուցիչը ԱԺ փոխնախագահ Ռուբեն Ռուբինյանն է, իսկ Թուրքիայի կողմից՝ ԱՄՆ-ում այդ երկրի նախկին դեսպան Սերդար Քըլըչը։ Կողմերը մի քանի հանդիպում են անցկացրել:
0Comments