Պրոդյուսեր Մարկ Ռուդինշտեյնը eg.ru-ին տված հարցազրույցում պատմել է երգչուհի Ալլա Պուգաչովայի և դերասան Արմեն Ջիգարխանյանի հիվանդությունների մասին։ Նա նշել է, որ ինքն էլ նիհարել է շաքարային դիաբետի պատճառով և արդեն 10 տարի ապրում է «ինսուլին ընդունելով»։ Պրոդյուսերի խոսքով, Ալլա Պուգաչովան էլ ունի նույն հիվանդությունը, նաև Արմեն Ջիգարխանյանը։
Գազետա.ռու-ի հաղորդմամբ, Ռուդինշտեյնն ասել է, որ որոշ ժամանակ առաջ է տեսել Ջիգարխանյանին։
«Նա նոր էր դուրս գրվել հիվանդանոցից և հիմա կրկին այնտեղ է։ Նա նույնպես ունի սարսափելի շաքարային դիաբետ։ Ընդհանուր առմամբ, նրա առողջական վիճակը վատ է։ Նույնիսկ շատ վատ»,- նշել է պրոդյուսերը։
Նրա խոսքով, Վիտալինա Ցիմբալյուկ- Ռոմանովսկայայի հետ ամուսնալուծությունը դերասանին «կործանել» է։
ԽՍՀՄ ժողովրդական արտիստ Արմեն Ջիգարխանյանն ու Վիտալինան ամուսնացել էին 2016 թվականին, սակայն 2017-ից նրանց հարաբերությունները լարվել էին և նրանք պաշտոնապես ամուսնալուծվել էին։
0Comments