Ռուս զինվորականները հարձակողական գործողությունների արդյունքում վերահսկողության տակ են վերցրել Խարկովի մարզի Զագրիզովո և Լոզովայա բնակավայրերը, ինչպես նաև ազատագրել են Դոնեցկի Ժողովրդական Հանրապետության Իվանովկա, Ստորժևոյե, Կրասնոյե և Նովի Տրուդ բնակավայրերը։ Այս մասին հաղորդել է Ռուսաստանի պաշտպանության նախարարությունը:
Ավելի վաղ հայտնվել էր, որ հակառակորդը մի քանի շաբաթ փորձել է պահել Զագրիզովո գյուղը՝ գիտակցելով, որ բնակավայրի կորուստը ռուսաստանյան զորքերի համար ճանապարհ կբացի դեպի հարավ՝ Բոգուսլավկայի և Բորովոյի ուղղություններով։
ՌԴ ԶՈւ-ն խոցել է Ուկրաինայի զինված ուժերի 4 մեքենայացված, գրոհային, աերոմոբիլային, օդադեսանտային բրիգադների և տարածքային պաշտպանության 2 բրիգադների կենդանի ուժն ու տեխնիկան։
Գերատեսչությունում նշել են, որ հետ են մղվել Ուկրաինայի զինված ուժերի գրոհային խմբերի հակագրոհները։
Ընդհանուր առմամբ, հատուկ ռազմական գործողության մեկնարկից ի վեր ոչնչացվել են 650 ինքնաթիռ, 283 ուղղաթիռ, 38648 անօդաչու թռչող սարք, 590 զենիթահրթիռային համալիր, 20057 տանկ և այլ մարտական զրահապատ մեքենաներ, համազարկային կրակի ռեակտիվ համակարգերի 1504 մարտական մեքենաներ, դաշտային հրետանու և ականանետերի 20043 հրանոթ, 29584 միավոր հատուկ ռազմական ավտոմոբիլային տեխնիկա:
0Comments