Ուկրաինայի զինված ուժերի ԱԹՍ–ներն առավոտյան գրոհել են Կազանը. գրանցվել է 8 գրոհ, 6-ը հարվածել են բնակելի տներին։
Կազանի քաղաքապետարանը հայտնում է, որ ԱԹՍ-ների հարձակումից հետո հրդեհներ են բռնկվել Սովետսկի, Կիրովի և Պրիվոլժսկի թաղամասերում։
Թաթարստանի կառավարության ներկայացուցչի տվյալներով՝ Կազանի «Լազուր երկինք» բնակելի համալիրում անօդաչուի հարձակման հետևանքով տուժածներ չկան:
Թաթարստանի ղեկավար Ռուստամ Միննիխանովը ժամանել է քաղաքի բնակելի հատվածներում բռնկված հրդեհի վայր:
Ռոսավիացիան հայտարարել է, որ Կազանի օդանավակայանը ժամանակավորապես չի գործի։
«Քաղաքացիական օդանավերի թռիչքների անվտանգությունն ապահովելու համար այսօր առավոտյան ժամանակավոր սահմանափակումներ են մտցվել Կազանի օդանավակայանի աշխատանքներում։ Օդանավակայանը ժամանակավորապես չվերթեր չի ընդունում և չի ուղարկում», - ասվում է հաղորդագրության մեջ։
Ռոսավիացիան հավելում է, որ քաղաքացիական օդանավերի անձնակազմերը, ավիակարգավարները և օդանավակայանի ծառայությունները ձեռնարկում են բոլոր անհրաժեշտ միջոցները թռիչքների անվտանգությունն ապահովելու համար, դա գլխավոր առաջնահերթությունն է:
0Comments