Թուրքիայի նախագահ Ռեջեփ Թայիփ Էրդողանը շնորհավորել է Վրաստանի վարչապետ Իրակլի Կոբախիձեին ընտրություններում «Վրացական երազանք» կուսակցության հաղթանակի կապակցությամբ։ Այս մասին հայտնում է aliq.ge-ն։
Ռեջեփ Թայիփ Էրդողանի գնահատմամբ՝ «վրաց ժողովրդի կամքը բացահայտած ընտրություններն անցել են խաղաղ ու անվտանգ միջավայրում»։
«Սրտանց շնորհավորում եմ 2024 թվականի հոկտեմբերի 26-ին կայացած խորհրդարանական ընտրություններում Ձեր ղեկավարությամբ «Վրացական երազանք» կուսակցության հաղթանակն ու առաջնայնությունը։ Հուսով եմ, ընտրությունների արդյունքները հաջողություն կբերեն Վրաստանի ժողովրդին և մեր տարածաշրջանին։
Լավ է, որ ընտրությունները, որոնք բացահայտեցին վրաց ժողովրդի կամքը, անցան խաղաղ ու անվտանգ միջավայրում։ Օգտվելով առիթից՝ ցանկանում եմ ևս մեկ անգամ մաղթել Ձեզ առողջություն և երջանկություն, իսկ Վրաստանի բարեկամ ժողովրդին՝ բարօրություն և երջանկություն», — նշել է Թուրքիայի նախագահը։
0Comments