Դուբայում կգործարկվեն թռչող տաքսիներ

Թռչող տաքսիները Դուբայի երկնքում կհայտնվեն 2025 թվականին։ Նրանք կթռչեն 320 կմ/ժ անհավանական արագությամբ, գրում է Daily Mail-ը։

Թռչող տաքսի արտադրող ընկերությունը պայմանագիր է կնքել Դուբայի հետ 2025 թվականից կոմերցիոն թռիչքներ իրականացնելու վերաբերյալ։ Այսպիսով, շուտով իրականություն կդառնան կադրերը գիտաֆանտաստիկ ֆիլմերից, ինչպիսիք են «Հինգերորդ տարրը», «Աստղային պատերազմները», որտեղ վաղուց արդեն պատկերվել են քաղաքներ՝ թռչող տաքսիներով:

Թվում է՝ երթևեկության այս հարմարավետ տարբերակը շուտով իրականություն կլինի։

Տաքսիները նախատեսված են օդաչուի և չորս ուղևորի՝ 320 կմ/ժ արագությամբ մինչև 198 մղոն տեղափոխման համար։