Իսրայելի վարչապետ Բենյամին Նեթանյահուն հայտարարել է Գազայի հարավում գործողությունը մինչև մարտի 10-ը դադարեցնելու պլանների մասին։
Իսրայելի հեռուստատեսության տեղեկատվության համաձայն՝ Նեթանյահուն վերջերս հայտնել է, որ հաշվի առնելով միջազգային ճնշումը՝ Գազայի հատվածի ամենահարավային քաղաքում գործողությունը պետք է ավարտվի մինչև մահմեդականների համար սուրբ Ռամադանի սկիզբը։
Նույն նիստում, հեռուստաալիքի պնդմամբ, Իսրայելի պաշտպանության բանակի գլխավոր շտաբի պետը Նեթանյահուին հայտնել է, որ զինվորականները պատրաստ են գործողության, սակայն անհրաժեշտ է, որ Իսրայելի կառավարությունը նախ որոշի Գազայի հատվածի հյուսիսային և կենտրոնական մասերից տեղահանված խաղաղ բնակիչների, ինչպես նաև Եգիպտոսի հետ պաղեստինյան անկլավի սահմանով անցնող գոտու նկատմամբ գործողությունների ծրագիրը:
Փետրվարի 9-ին Նեթանյահուի գրասենյակը հայտնել է, որ Իսրայելի վարչապետը զինվորականներին հանձնարարել է ծրագիր պատրաստել խաղաղ բնակչության տարհանման և Գազայի հատվածի հարավում գտնվող Ռաֆահ քաղաքում ՀԱՄԱՍ արմատական շարժման մնացած չորս գումարտակների ոչնչացման համար:
0Comments