Դավիթ Խուդաթյանը կնշանակվի Արմավիրի մարզպետ

Արմավիրի մարզպետ կնշանակվի Դավիթ Խուդաթյանը։ Հարցը ներառված է ՀՀ կառավարության այսօրվա նիստի օրակարգում։

Նշենք, որ  Դավիթ Խուդաթյանը Արմավիր խոշորացված համայնքի ղեկավարն է և ՔՊ կուսակցության Արմավիրի տարածքային խորհրդի նախագահը։

Հավելենք, որ, ըստ մամուլի տեղեկությունների՝ Արմավիր համայնքի ավագանին Խուդաթյանի փոխարեն ղեկավար կընտրի նրա առաջին տեղակալ Վարշամ Սարգսյանին։

Հիշեցնենք, որ Արմավիրի  մարզպետ Էդվարդ Հովհաննիսյանը պաշտոնից ազատվեց անցյալ շաբաթ, Փաշինյանի՝ մարզ կատարած այցից և Արագած բնակավայրի վերանորոգված դպրոցի սանհանգույցի անորակ «դուշի» բացահայտումից հետո: