Գերմանացի բլոգեր Մելիսա Վինկլերը, որն ունի 3500 հետևորդ, անսպասելիորեն 20 միլիոն դիտում է հավաքել նշանադրության մատանին ցուցադրող իր լուսանկարի համար: «Հավերժությունը հնչում է ինչպես դրախտ» վերնագրով գրառումը գրավել է օգտատերերի ուշադրությունը, բայց ոչ բոլորն են շնորհավորել նրան։ 

Հազարավոր մեկնաբաններ քննադատել են ադամանդի համեստ չափը՝ այն անվանելով «մանկական» կամ «չափազանց փոքր», ենթադրելով, որ նա պետք է մերժեր նման մատանին: «Այս մատանիո՞վ»,-կատակել է մեկը: «Ես չէի համաձայնի»,-հավելել է մեկ ուրիշը։ 

Այնուամենայնիվ, Վինկլերն ունեցել է նաև պաշտպաններ. շատերը շեշտել են, որ մատանին պարզապես պահի խորհրդանիշ է, այլ ոչ թե հարստության նշան։

Մասնագետները բացատրում են, որ նշանադրության մատանիների նկատմամբ սպասումները փոխվել են հայտնիների և սոցիալական ցանցերի ազդեցության ներքո: Լաբորատորիայում աճեցված ադամանդները ավելի մեծ քարերն ավելի մատչելի են դարձրել, այդ իսկ պատճառով 3-4 կարատանոց մատանիները այժմ տարածված են Instagram-ում։ 

Վինկլերը արձագանքել է մեկնաբանությունների հեղեղին. «Մարդիկ դատում են մատանու չափսերով, մինչդեռ պահի իմաստը բոլորովին այլ է: Որոշ մարդիկ կարող են այլ նպատակներ ունենալ՝ տուն գնել, երեխաներ ունենալ, այնպես որ ինչո՞ւ ամբողջ կարողությունը ծախսել մատանու վրա»:

Մելիսան ինքը հրապարակել է մատանու տեսանյութը և գրել. «Ես չէի սպասում, որ իմ նշանադրությունը վիրուսային կդառնա: Ես միայն գիտեմ, որ ես երջանիկ եմ, շնորհակալ և ասացի՝ «ԱՅՈ՛»»։