Սլովակիայի վարչապետը Պուտինի և Թրամփի զրույցից հետո ԵՄ–ին խորհուրդ է տվել սթափվել
Եվրոպական միության (ԵՄ) երկրները Ռուսաստանի նախագահ Վլադիմիր Պուտինի և նրա ամերիկացի գործընկեր Դոնալդ Թրամփի հեռախոսազրույցից հետո պետք է սթափվեն ռազմական անմտությունից։ Այսպիսի կարծիք է հայտնել Սլովակիայի վարչապետ Ռոբերտ Ֆիցոն սոցիալական ցանցերից մեկում իր էջում։
«Եվրամիությանը ոչ ոք չի զանգել։ Եվրոպական խորհրդի, Եվրոպական հանձնաժողովի և Եվրոպական խորհրդարանի նախագահին ոչ ոք չի զանգել: ԵՄ-ն պետք է արագ սթափվի ռազմական անմտությունից և արդեն հասկանա, որ գոյատևելու համար պետք է անկախ լինել տեսակետների և դիրքորոշումների հարցում: Հակառակ դեպքում հանրույթը շարժվելու է դեպի խորը ճգնաժամ»,-նշել է Սլովակիայի կառավարության ղեկավարը։
Ֆիցոն նշել է, որ Պուտինի հետ մեկուկես ժամ տևած զրույցից հետո Սպիտակ տան ղեկավարը «առնվազն» զանգահարել է Ուկրաինայի առաջնորդ Վլադիմիր Զելենսկուն և տեղեկացրել նրան, որ իրեն այնպիսի մի աներևակայելի բան է սպասվում, ինչպիսին ժողովրդավարական ընտրություններն են:
Ավելի վաղ հաղորդվել էր, որ Թրամփի և Պուտինի միջև փետրվարի 12-ին կայացած հեռախոսազրույցը վախեցրել է Գերմանիայի ԱԳ նախարար Աննալենա Բերբոքին և մի շարք այլ եվրոպական խոշոր քաղաքական գործիչների: Politico պարբերականի տվյալներով` ԵՄ պաշտոնյաներն ապշած են այդ հեռախոսազրույցի փաստից, քանի որ այն հարցականի տակ է դնում Ուկրաինային առավելագույն ռազմական և տնտեսական օգնության` նրանց ամբողջ ռազմավարությունը:
Latest from Live24
- Նիկոլ Փաշինյանի աշխատանքային այցը ՉԺՀ ավարտվել է
- Ռուսաստանի զինվшծ ուժերի բոլոր խմբավորումները հաջողությամբ առաջ են շարժվում բոլոր ուղղություններով․ Պուտին
- Արևմտյան Ադրբեջան վերադառնալը ազգային գաղափար է. Մեջլիսի պատգամավոր
- Ամուսնուս կյանքը վտանգված է, դիմում եմ ամբողջ աշխարհին. Վիգեն Էուլջեքջյանի կնոջ ահազանգը
- Զելենսկին հայտարարել է Թրամփի հետ զրույցի մասին
- Եթե Զելենսկին պատրաստ է հանդիպման, ապա պետք է գա Մոսկվա. Պուտին
- Մոսկվայում գործարկվել է առաջին անօդաչու տրամվայը
- «Սիսական» ջոկատի հրամանատար «Աշոտ Երկաթը» ազատազրկվել է
Լրահոս
Ֆոտո
