Ուկրաինան պետք է հաղթի Ռուսաստանին և վերացնի կոռուպցիան. Սպիտակ տունը նշել է ՆԱՏՕ-ին անդամակցության պայմանները
Ուկրաինան պետք է հաղթի Ռուսաստանի հետ պատերազմում, որպեսզի կարողանա միանալ Հյուսիսատլանտյան դաշինքին (ՆԱՏՕ):
Այս մասին լրագրողների համար հերթական ճեպազրույցում հայտարարել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։
«Առաջին հերթին նրանք պետք է հաղթեն այս պատերազմում», - ասել է Քիրբին՝ մեկնաբանելով Ուկրաինայի՝ Հյուսիսատլանտյան դաշինքին միանալու հեռանկարները։
Քիրբիի խոսքով՝ ԱՄՆ նախագահ Ջո Բայդենը շարունակում է կարծել, որ Ուկրաինան ապագայում պետք է անդամակցի ՆԱՏՕ-ին։
«Նախագահը հայտարարել է, որ հավատում է ՆԱՏՕ-ի ներկայությանն Ուկրաինայի ապագայում: Բայց դեռ շատ բան կա անելու, մինչև նրանք կարողանան միանալ դաշինքին, ինչպես և ցանկացած անդամ՝ նախքան դաշինքին միանալը: Այնուամենայնիվ, նախագահը հաստատապես հավատում է, որ ՆԱՏՕ-ն կա Ուկրաինայի ապագայում»,- նշել է Քիրբին։
Բացի այդ, նա հավելել է, որ ՆԱՏՕ-ին անդամակցելու համար Կիևը պետք է աշխատի Ուկրաինայում կոռուպցիան արմատախիլ անելու համար։
«Կոռուպցիան անհանգստության տեղիք է տալիս, սակայն, իհարկե, ցանկացած երկիր, որը ցանկանում է միանալ դաշինքին, պետք է այլ գործողություններ ձեռնարկի»,- ասել է Քիրբին։
Նա նաև հայտարարել է, որ ՆԱՏՕ-ի ընդլայնման որոշումը կայացնում են նրա բոլոր անդամները։
«ԱՄՆ-ն չի կարող կախարդական կերպով դա անել», - խոստովանել է Քիրբին:
Latest from Live24
- ԱՄՆ-ում կառավարությունն արդեն 36 օր չի աշխատում. շաթդաունը ռեկորդ է սահմանել
- Նա կոշտ և շատ խելացի մարդ է․ Թրամփը՝ Սի Ծինփինի մասին
- Երևանում ամուսինը uպանել է կնոջը
- Վրաստանը շնորհակալություն է հայտնել Չինաստանին ինքնիշխանությանն աջակցելու համար
- Հայտնի է ուսուցիչների 2025 թ. կամավոր ատեստավորման ժամանակացույցը
- ԱՄՆ-ն հրթիռներ կտեղակայի Եվրոպայում, որոնք 6-7 րոպեում կհայտնվեն ՌԴ-ի կենտրոնական հատվածում. ՌԴ ՊՆ
- Իրանը գրեթե ամբողջապես պահպանել է հարստացված ուրանը․ ՄԱԳԱՏԷ-ի ղեկավար
- Սերժ Սարգսյանի խափանման միջոցը չի փոխվի. դատավորը մերժեց մեղադրանքի կողմի միջնորդությունը
Լրահոս
Ֆոտո
