Գազայի հատվածի հարավում գտնվող Խան Յունիս քաղաքի «Նասեր» բժշկական համալիրին հասցված իսրայելական հարվածի հետևանքով լրագրողներ են մահացել։ «Al Jazeera»–ին այս մասին հայտնել է հիվանդանոցի ներկայացուցիչը։

Նախնական տեղեկություններով՝ հարվածի զոհ է դարձել 14 մարդ, որոնցից 4-ը լրագրողներ են։ Տվյալները ճշտվում են։

Այս պահին հայտնի է, որ մահացել են «Al Jazeera»–ի ֆոտոլրագրող Մոհամմեդ Սալաման, լուսանկարիչ և լրագրող Մուազ Աբու Թահան, « Reuters»-ի ֆոտոլրագրող Հոսսամ ալ-Մասրին և հայտնի բլոգեր Մարիամ Աբու Դիկկան։