ԱՄՆ նախագահ Դոնալդ Թրամփը, Վաշինգտոնի Քենեդի կենտրոնում լրագրողների հետ զրույցում, պատմել է, որ իր հետ զրույցի ժամանակ ՀՀ վարչապետ Նիկոլ Փաշինյանն ասել է, որ Հայաստանի ճանապարհներն ավելի լավն են, քան Վաշինգտոնում։

«Առաջնորդները գալիս են այլ երկրներից։ Միշտ տեսնում եք, որ առաջնորդները բարեկամական են։ Վերջերս նրանք եկել են Հնդկաստանից և բոլոր կողմերից։ Նրանք եկել են այն պատերազմից հետո, որը մենք նոր ավարտեցինք Ադրբեջանի և… Հայաստանի միջև։ Մենք նոր ավարտեցինք պատերազմը։ Եկան երկու առաջնորդներ։ Նրանցից մեկն ասաց. «Իմ երկիրն ավելի լավ տեսք ունի»... Եվ ի՞նչ եք կարծում։ Նա ասաց. «Դե, Հայաստանի ճանապարհներն ավելի լավն են, քան Վաշինգտոնում»։ Սա վհատեցնող է»,- ասել է ԱՄՆ նախագահը։