Ամերիկացի ձեռնարկատեր Իլոն Մասկը հայտարարել է, որ Apple տեխնոլոգիական ընկերությունը խախտում է հակամենաշնորհային օրենքները՝ սահմանափակելով մրցակցությունը արհեստական բանականության ոլորտում։ Այս մասին գործարարը գրել է X սոցիալական ցանցի իր էջում։ 

Մասկի խոսքով՝ կորպորացիան թույլ չի տալիս OpenAI-ից բացի որևէ այլ ընկերության զբաղեցնել AppStore-ի հավելվածների վարկանիշային աղյուսակի առաջին հորիզոնականը արհեստական բանականության կատեգորիայում։ Բացի այդ, X-ի կամ Grok-ի հավելվածները ներառված չեն AppStore-ի «Պարտադիր օգտագործել» բաժնում, չնայած X-ն աշխարհի թիվ մեկ պահանջված լրատվական հավելվածն է, իսկ Grok-ը՝ հինգերորդը բոլոր հավելվածների շարքում:

«Եվ սա հակամենաշնորհային օրենքների ակնհայտ խախտում է։ xAI-ը շուտով այս հարցը դատարան կներկայացնի», - գրել է Մասկը։