Telegram-ի հիմնադիր Պավել Դուրովը հայտարարել է, որ մեսենջերը սկսել է արգելափակել անձնական տեղեկություններ բացահայտող և շանտաժի համար օգտագործվող ալիքները։

«Նման պատճառով արգելափակումը նշանակում է, որ մենք ունենք անհերքելի ապացույցներ, որ ալիքի ադմինիստրատորները հրապարակել են զրպարտչական գրառումներ, ապա ջնջել դրանք՝ զոհերից գումար ստանալու դիմաց», - գրել է Պավել Դուրովը Telegram ալիքում։

Ինչպես հավելել է մեսենջերի հիմնադիրը, որոշ խարդախներ բռնվել են վճարների վրա, որոնք զոհը պետք է վճարեր՝  հետապնդումից խուսափելու համար: Դուրովի խոսքով՝ Telegram-ի վարչակազմը ստացել է «հարյուրավոր» հաղորդագրություններ նման խարդախ մեթոդների մասին: