Օտարերկրացիները կարող են մուտք գործել Ռուսաստան առանց RuID-ում գրանցվելու
Օտարերկրացիների նախապես գրանցումը ruID բջջային հավելվածում՝ կենսաչափական տվյալները հանձնելով և դրանում էլեկտրոնային դիմում լրացնելը կամավոր է և չի ծառայի որպես մերժում Ռուսաստանի Դաշնություն մուտք գործելու համար: Այս մասին հայտնում է ՏԱՍՍ-ը՝ վկայակոչելով Ռուսաստանի ՆԳՆ մամուլի կենտրոնը։
Գործակալության համապատասխան հարցմանն ի պատասխան՝ գերատեսչությունում նշել են, որ ՌԴ օրենսդրությամբ հիմքեր նախատեսված չեն օտարերկրյա քաղաքացիներին ՌԴ պետական սահմանի հատումը մերժելու համար, եթե նրանք նման դիմում չեն լրացրել:
ՆԳՆ-ի փոխանցմամբ, բջջային հավելվածում օտարերկրյա քաղաքացու գրանցման առկայությունը թույլ կտա ապագայում ապահովել պետական մարմինների և կազմակերպությունների հետ նրա փոխգործակցության հնարավորությունը ամբողջությամբ էլեկտրոնային ձևով՝ հանրային ծառայություններ ստանալիս նվազեցնելով վարչական և այլ խոչընդոտները:
Ավելի վաղ հաղորդվել էր, որ ՌԴ մուտքի կանոնների և պայմանների փորձ է իրականացվում այն օտարերկրացիների համար, ովքեր վիզայի կարիք չունեն: Սահմանված կանոնների համաձայն՝ մինչև մուտք գործելը անհրաժեշտ է նույնականացման միասնական համակարգում անցնել գրանցման ընթացակարգ և մուտք գործելուց ոչ ուշ, քան 72 ժամ առաջ ներկայացնել մուտքի դիմում՝ օգտագործելով ruID բջջային հավելվածը: Արտակարգ դեպքերում դիմումի ներկայացման ժամկետ է սահմանվում ամենաուշը 4 ժամը:
Latest from Live24
- «Նախատեսում ենք պարտադիր դարձնել նաև ամենամյա պրոֆիլակտիկ բուժզննումը». Անահիտ Ավանեսյան
- Պետական ծառայության պաշտոն կթույլատրվի զբաղեցնել նաև 65–ը լրանալուց հետո. նոր նախագիծ
- Իրանը Հայաստանում նոր դեսպան է նշանակել
- Լեհաստանը որոշել է հետաձգել Բելառուսի հետ սահմանի բացումը․ Լիտվայի վարչապետ
- Ջորջինա Ռոդրիգեսը Hermès-ի հավաքածուին ավելացրել է հարյուր հազարավոր դոլարների արժողությամբ հազվագյուտ Himalaya Birkin-ը
- 5000 դրամի դիմաց մարդիկ պատրաստ են վաճառել իրենց հեռախոսահամարով ակտիվացրած whatsapp–ը կամ viber–ը. ՆԳՆ–ի զգուշացնումը
- Ալիևը չի պլանավորում գալ Երևան՝ Եվրոպական քաղաքական համայնքի գագաթնաժողովին մասնակցելու համար
- Դոլարի փոխարժեքն աճել է. եվրոն էժանացել է
Լրահոս
Ֆոտո
