Ուկրաինական կողմը հայտնում է, որ ռազմաօդային ուժերը ռուսական Սու-35 կործանիչ են խոցել:

Այս մասին հայտնել են Ուկրաինայի ԶՈՒ ռազմաօդային ուժերը:

Հաղորդագրությունում նշվում է, որ հունիսի 7-ի առավոտյան Ուկրաինայի ռազմաօդային ուժերը հաջող գործողություն են իրականացրել Կուրսկի ուղղությամբ ու խոցել Սու-35 կործանիչ:

«Ալ-Նասրի» և Պորտուգալիայի հավաքականի հարձակվող Կրիշտիանու Ռոնալդուն հայտարարություն է արել իր ապագայի վերաբերյալ։ 40-ամյա հարձակվողը հայտարարել է, որ չի միանա աշխարհի ակումբային առաջնությանը մասնակցող որևէ ակումբի։

«Ես չեմ խաղալու Աշխարհի ակումբային առաջնությունում։ Որոշ թիմեր դիմել են ինձ։ Որոշ տարբերակներ իմաստալից էին, որոշները՝ ոչ։ Բայց դու չես կարող փորձել անել ամեն ինչ, չես կարող բռնել յուրաքանչյուր գնդակը։ Իմ ապագան գրեթե որոշված ​​է», - euro-football.ru-ի հաղորդմամբ, ասել է Ռոնալդուն շաբաթ օրը մամուլի ասուլիսում։

Ավելի վաղ լուրեր էին շրջանառվում, որ Կրիշտիանու Ռոնալդուն շուտով կերկարաձգի պայմանագիրը «Ալ-Նասրի» հետ։ Կիրակի՝ հունիսի 8-ին, Պորտուգալիայի հավաքականը Ազգերի լիգայի եզրափակչում կխաղա Իսպանիայի դեմ։

4 տարվա մեջ առաջին անգամ Նիկոլին ռադ անելու շատ կոնկրետ քայլ է արված: Կոնկրետ այն կարգի, որ չափազանց պարզ է, թե Նիկոլին ռադ անելու գործում իրականում շահագրգիռ մարդկանցից ու խմբերից ով ինչ պետք է անի, որ արդյունքը լինի դրական, գրել է ԱԺ նախկին պատգամավոր Սամվել Ֆարմանյանը․

«Ա.) Աժ ընդդիմադիր բոլոր 34 պատգամավորները պետք է ստորագրեն անվստահության նախաձեռնությունը, ինչպես հայտարարել ու խոստացել են, հետո ելույթ ունենան այդ պատմական նիստում ու հիմնավորեն, թե ինչու Նիկոլը պիտի ռադ լինի հենց հիմա, հետո արդեն, բնականաբար, կողք քվեարկեն:

Բ.) Բոլոր ընդդիմադիր կազմակերպված խմբերն ու կուսակցությունները պետք է մի կողմ դնեն երկրորդական-երրորդական հարցերում իրենց տարաձայնությունները, հին ու նոր բոլոր զգացողություններն ու երկու-երեք օր շարունակ, ուս ուսի տված, հեղեղեն հանրապետության փողոցները՝ աննախադեպ հանրային ճնշում գործադրելով ՔՊ պատգամավորների վրա: Որոնցից շատերը, հավատացեք, բառի բուն իմաստով Նիկոլի անպատիվ պատանդի դերում են և մեր չափ երազում են օր առաջ այդ ամոթալի կարգավիճակից ազատագրվելու մասին:

Գ.)  Վարչապետի թեկնածուն՝ այս դեպքում Դավիթ Համբարձումյանը, ով 2018 թ. սկսած շատերի նման չի չոքել Նիկոլի դիմաց ու հաղթել է նրան ընտրություններում, պետք է հանդիպի նախ Հայաստան խմբակցության, ապա անկախ ու ՔՊ խմբակցության պատգամավորներին, ընդդիմադիր դաշտում դիրքավորված խմբերին ու ակտիվիստներին, բյուրեղացնելու կոնկրետ նպատակին միտված ներընդդիմադիր առավելագույն մեծ համերաշխություն, համաձայնություն ու միաբանություն:

Դ.) Նախաձեռնության հեղինակներն իրենց հերթին պետք է շարունակեն իրենց սկսած այս փայլուն գործը, համադրեն ու համախմբեն բոլորին, և իհարկե կազմակերպեն հանրության սարսափելի ճնշումը վճռական այդ 2-3 օրերի ընթացքում, հատկապես ԱԺ այդ պատմական նիստին զուգահեռ:

Ե.) Ես ու ինձ նման հարյուր հազարավոր քաղաքացիներս էլ այդ 2-3 օրը, ամեն ինչ մի կող դրած, միասին պիտի ձիգ կանգնենք հրապարակներում ու փողոցներում, մեր հավաքական ուժով ու կամքով ՔՊ պատգամավորներին ճնշելու՝ կողմ քվեարկել Նիկոլին անվստահություն հայտնելու նախաձեռնությանը:

Զ.) Թերահավատները, Նիկոլին վարչապետի աթոռին սոսնձված պահելու բաց ու քողարկված կողմնակիցները, զգուշավորներն ու տատանվողներն էլ պետք է այդ ընթացքում քննադատեն, հազար պոզ եւ պոչ կպցնեն պրոցեսին ու թեկնածուին, համ նալին համ մեխին խփեն, մինչև Աժ նիստում կտեսնեն քվեարկության դուրեկան պատկերը՝ Նիկոլը հեռացված է, որ արագ ջնջեն հետքերն ու իրենց գրառումները, հագնվեն իջնեն հրապարակներ, սիրուն ֆոտոներ անեն ու իրենց էջերում դնեն, որպես ապացույց, թե ինչպես իրենք հազիվ ազատվեցին խև պապուասի դիկտատուրայից:

Հ.Գ. ՊՈՒ խմբակցությունն ունի 6 պատգամավոր: Բոլորը ստորագրելու են: Ենթադրում եմ, որ հաջորդ փուլում կապահովվի ևս երկու ստորագրություն անկախ կամ դեռևս ՔՊ խմբակցության պատգամավորների կողմից: Կլինի 8: Հետո արդեն Հայաստան խմբակցությունը կտա իր 28 ստորագրությունը, ինչպե խոստացվել է, և 36 ստորագրությամբ նախաձեռնությունը կմտնի խորհրդարան: Սա է հարցի մաթեմատիկան կողմը:

Իսկ դա նշանակում է, որ 4 տարվա անպտուղ պայքարից, հալածանքներից ու չընդհատվող պարտություններից հետո առաջին անգամ Նիկոլի ճակատագիրը կախված կլինի ոչ թե իրենից՝ հրաժարական կտա, թե՞ չի տա, այլ պատգամավորներից: Իսկ դա ընդամենը 20-30 վայրկյան է:

ՄԵԿ ՔՎԵԱՐԿՈՒԹՅՈՒՆ ԵՒ ՆԻԿՈԼ ԿԱՊՈՒՏ:

Ես կասկած չունեմ, երբ գա ԱԺ նիստում քվեարկության օրը՝ հայ ժողովուրդը հեղեղելու է փողոցները: Ու չզարմանաք, եթե ՔՊ խմբակցությունում անգամ երկու հոգի չգտնվեն, որ նման մթնոլորտում Նիկոլին աջակցող կես բառ կասեն կամ դեմ կքվեարկեն»:

Ռուսաստանի ՀՕՊ համակարգը գիշերը ոչնչացրել է ուկրաինական 4 անօդաչու, դրանք արձակվել էին Մոսկվայի ուղղությամբ՝ հայտնել է քաղաքապետ Սերգեյ Սոբյանինը: Նրա խոսքով՝ բեկորների անկման վայրում աշխատել են արտակարգ ծառայությունների մասնագետները: Մի շարք օդանավակայանների աշխատանքը սահմանափակվել է:

Ուկրաինայի ամբողջ տարածքում էլ օդային տագնապ է հայտարարվել: Ռուսական զորքերն անօդաչու թռչող սարքերի, ավիառումբերի և հրթիռների կիրառմամբ զանգվածային հարված են հասցրել Խարկովին։ Բնակելի շենքեր են վնասվել, հրդեհներ են բռնկվել: Հայտնի է 3 զոհի և 20-ից ավելի տուժածի մասին: Որոնողափրկարարական աշխատանքները շարունակվում են: Տուժածներ կան նաև Դնեպրում և Խերսոնում: Ընդհանուր առմամբ, գիշերը ռուսական կողմը Ուկրաինայի ուղղությամբ արձակել է 206 անօդաչու թռչող սարք, երկու բալիստիկ հրթիռ, վեց ավիառումբ և մեկ թևավոր հրթիռ։

ԱՄՆ նախագահ Դոնալդ Թրամփի հետ հակամարտությունից հետո Իլոն Մասկը նրան ամենայն բարիք է մաղթել՝ ի պատասխան ամերիկացի առաջնորդի նույնանման մաղթանքի։

«Նմանապես», - գրել է Մասկը X-ում։ Այսպիսով գործարարը մեկնաբանել է հունիսի 6-ին Սպիտակ տան մամուլի խմբի լրագրողների հետ զրույցում Թրամփի արած հայտարարությունը։ «Ես պարզապես նրան ամենայն բարիք եմ մաղթում», - այն ժամանակ ասել էր պետության ղեկավարը։

Այսօր՝ հունիսի 7-ին, առեղծվածային դեպք է տեղի ունեցել Երևանում: Ժամը 12:00-ի սահմաններում օպերատիվ տեղեկույթուններ են ստացվել, որ մի խումբ կամավորականների կողմից «Գլենդել հիլզ»-ում մաքրման աշխատանքներ (շաբաթօրյակ) անելու ժամանակ մարդու գանգ է հայտնաբերվել:

Ինչպես դեպքի վայրից հայտնում է ֆոտոլրագրող Գագիկ Շամշյանը, դեպքի փաստով քննչական բաժնում «սպանություն» հատկանիշներով նախաձեռնվել է քրեական վարույթ:

Երևանի քաղաքապետ, «Քաղաքացիական պայմանագիր» կուսակցության վարչության անդամ Տիգրան Ավինյանն անցած տարի ունեցել է 54․6 մլն դրամ եկամուտ ՝ 2023-ի համեմատ 9 մլն դրամով ավելի։ Նրա գույքի և եկամուտների հայտարարագրից տեղեկանում ենք, որ այս գումարից 27․3 մլն դրամը Երևանի քաղաքապետարանից ստացած աշխատավարձն է՝ 2023-ի համեմատ 7 մլն-ով ավելի, ևս 3 մլն նա այլ եկամուտ է ստացել քաղաքապետարանից:

Տվյալները հրապարակել է Factor.am-ը․

«Poolin կրիպտոմայնինգի հարթակից Ավինյանը ստացել է 24․3 մլն դրամ՝ նախորդ տարվա համեմատ կրկնակի ավելի։ Մայրաքաղաքի ղեկավարի հայտարարագրած կրիպտոարժույթներից Bitcoin-ի ծավալը 2024-ին ավելացել է 0․95-ով ՝ դառնալով 4․57։ Նկատենք, որ 1 Bitcoin-ն այս պահին արժե մոտ 104 հազար ԱՄՆ դոլար։ Այսինքն՝ Ավինյանի տիրապետած Bitcoin-ների արժեքը ներկա փոխարժեքով կազմում է 475 հազար դոլար։ Բացի Bitcoin-ից Ավինյանն ունի նաև այլ կրիպտոարժույթներ, որոնց ծավալը տարվա ընթացքում չի փոփոխվել՝ 1,483 ADA Cardano և 5 Ethereum։

Ավինյանը հայտարարագրել է 24․4 մլն դրամ կանխիկ միջոցներ։ 2024-ին նա միանվագ ծախսել է 4․3 մլն դրամ։ Տարեվերջի դրությամբ բանկային հաշվին ունեցել է 13․7 մլն դրամ։ Ուշագրավ է, որ Երևանի քաղաքապետը և նրա կինը՝ Մարիամ Պահլավունին, որևէ անշարժ գույք չեն հայտարարագրել, սակայն Ավինյանը 90 օրից ավելի տնօրինում է անհատական տուն Երևանում։ Նշենք, որ այդ առանձնատունը նա ներկայացնում է որպես իրենը։

Տիգրան Ավինյանը 2022-ին իր հոր՝ Արմեն Ավինյանի նվիրած VOLKSWAGEN մակնիշի ավտոմեքենան այս հայտարարագրում ներկայացրել է որպես «գնված»։

Ավինյանը Հայաստանի վերականգնվող էներգետիկայի և էներգախնայողության հիմնադրամի հոգաբարձուների խորհրդի նախագահ և «Հայաստանի ազգային պոլիտեխնիկական համալսարան» հիմնադրամի հոգաբարձուների խորհրդի նախագահ է։

Ավինյանի կինը 2 ընկերություններում մասնաբաժին ունի՝ «Բարուր» ՍՊԸ-ում 100%, նաև դրա տնօրենն է, և 34% «Լավ փրոդաքթս»-ում։ Ըստ հայտարարագրի՝ նա «Բարուր»-ին տված 19․8 մլն դրամ և «Օրոր թոյզ»-ին տված 2․8 մլն դրամ փոխառությունը 2024-ին ետ է ստացել։ Պահլավունին 2024-ին բանկում 14 մլն դրամ ավանդ է դրել, նաև ունի 3 այլ ավանդ՝ 44․5 մլն դրամ ընդհանուր արժեքով։ Նրա բանկային հաշիվներին եղել է 7․8 մլն դրամ, իսկ կանխիկ՝ 0 դրամ։

Ինչպես և 2023 թ-ին, 2024-ին ևս Ավինյանի ծնողներն իրենց հարսին միլիոնավոր դրամների նվիրատվություն են արել, մասնավորապես՝ Արմեն Ավինյանից նա ստացել է նվեր 20 մլն դրամ, նաև 4․5 մլն դրամ՝ սկեսուրից՝ Հասմիկ Խլղաթյանից»,- գրել է կայքը։

Մանրամասները՝ սկզբնաղբյուր կայքում։

ՌԴ-ն այսօր սկսել էր զոհվածների մարմիններն Ուկրաինա տեղափոխելու և վիրավորների ու ռազմագերիների փոխանակման գործողությունները, հայտարարել է Պուտինի օգնական Վլադիմիր Մեդինսկին։

«Ուկրաինական կողմն անսպասելիորեն անորոշ ժամանակով հետաձգել է ինչպես մարմինների ընդունումը, այնպես էլ ռազմագերիների փոխանակումը»,- նշել է նա։

Ստամբուլում ռուս-ուկրաինական պայմանավորվածություն էր ձեռք բերվել Ուկրաինային ավելի քան 6 հազար զոհվածի մարմին փոխանցելու, ինչպես նաև 25 տարեկանից փոքր, վիրավոր և առողջական ծանր վիճակում գտնվող ռազմագերիների փոխանակման մասին։

Գեներալ Արշավիր Ղարամյանը գրում է.«Քայլ ձիով՝ ՀՀԿ-ի կողմից…

Մոտ ժամանակներս ճիշտն ու իրականը, ինչպես նաև կեղծն ու արհեստականը դուրս կգա ջրի երես և ամեն բան պարզ կլինի…

Հ.Գ. Կարծում եմ օրերս հնարավոր կլինի եզրակացնել, պարզել՝ ՀՀ ներքաղաքական դաշտի՝ հատկապես ընդիմության պահով ամենաքննարկվող հարցերից մեկը՝ ո՞վ բերեց (ովքե՞ր բերեցին), ո՞վ է պահում (ովքե՞ր են պահում)…»։

ՀՀԿ ԳՄ անդամ Արտակ Զաքարյանի ֆեյսբուքյան գրառումը. «Հայաստանը թրքահպատակությունից ու ակնհայտ կործանումից զերծ պահելու այսօրվա լեգիտիմ բանաձևն է՝ 6+2+28+18...
Այս թվերից յուրաքանչյուրի բաղկացուցիչ միավորը գիտակից, պատասխանատու, հայրենասեր, խիզախ ու ազնիվ մարդն է, ով ճակատագրի բերումով և Աստծո նախախնամությամբ այսօր կրում է ՀՀ ԱԺ պատգամավորի մանդատը:
Լիահույս եմ, որ մեր խորհրդարանական հույսերը կարդարացվեն և չեն հիասթափեցնի հարյուր հազարավոր մեր հայրենակիցների՝ «օր առաջ իշխանափոխության» ակնկալիքները:
Ցավով եմ ասում, բայց ցանկացած գիտակից մարդ, ով իր անձնական ու խմբակային շահերը չի գերադասում համապետական շահերից՝ հասկանում է այս պարզ ու անվիճելի ճշմարտություն:
Ահա սա է Հայաստանի Հանրապետությունը ակնհայտ կործանումից հետ պահելու և 2026թ. ընտրությունների միջոցով ազգային համաձայնության ու համատեղ ջանքերի կառավարություն ձևավորելու ճանապարհը:
Սա է ձախողված, դավադիր և աղետաբեր կառավարիչներին՝ ժամանակավոր, բայց համազգային ներդաշնակություն, հանդուրժողականություն ու համերաշխություն երաշխավորող կառավարությամբ փոխարինելու բանաձև:
Սա է 2026թ. ընտրություններն իմաստավորելու և Հայաստանի Հանրապետության խաղաղ ապագան ստեղծելու ճանապարհը:
Այս ամենի համար պահանջվում է, որ նախ և առաջ ունենանք վարչապետի թեկնածու: Վստահ եմ՝ շուտով կունենանք պայքարի մեջ սկզբունքային ու պատասխանատու թեկնածու:
Խիստ ցանկալի կլինի, եթե ընդդիմադիր դաշտի մեր բոլոր գործընկերներն ու ընկերները, ժամանակավորապես մի կողմ դնեն միջկուսակցական մրցապայքարի առօրեական դրսևորումները և բոլորս միասին, գործենք ճգնաժամային իրավիճակից համատեղ դուրս գալու տրամաբանական ու բարոյական կանոններին համաձայն:
Խնդրանք ունեմ նաև մեր հարգելի լրատվամիջոցներին: Ազատ խոսքը և տեղեկատվության ազատությունն այս անգամ ծառայեցրեք բացառապես Հայաստանի Հանրապետության ու համազգային շահերին: Եթե միամտաբար կարծում եք, որ համազգային շահերից է բխում օր-օրի թուլացող ու թրքահպատակեցվող Հայաստան ունենալը՝ Աստված ձեզ դատավոր, պաշտպանեք գործող կառավարիչներին կամ տորպեդահարեք իմփիչմենտի գործընթացը:
Այլ պարագայում՝ Աստված ձեզ օգնական»։

Արտակ Զաքարյան