Իրանը հինգշաբթի առավոտյան ներկայացրել է անօդաչու թռչող սարքերի համար իր առաջին ավիակիրը՝ Shahid Bagheri-ն, հայտնում է Mehr-ը։

Ինչպես նշում են իրանական լրատվամիջոցները, սա ժամանակակից ռազմածովային նավ է, որն ի վիճակի է տեղակայել անօդաչու թռչող սարքերի բազմաթիվ էսկադրիլիաներ, գործարկել և բարձրացնել անօդաչու մարտական ​​ինքնաթիռներ, ինչպես նաև գործարկել մի շարք հետախուզական և հարձակողական անօդաչուներ:

Այս ժամանակակից ռազմանավը նաև աջակցում է արագընթաց գրոհայիններին, կրում և շահագործում է մարտական ​​և օժանդակ ուղղաթիռներ, ինչպես նաև ծառայում է որպես շարժական ծովային հարթակ՝ օվկիանոսների վրայով անօդաչու թռչող սարքերի և ուղղաթիռների թռիչքների համար:

Նավի դիմացկունությունը բաց օվկիանոսի պայմաններում կազմում է մինչև 9 միավոր, իսկ նավարկության տիրույթը 22000 ծովային մղոն է, ինչը թույլ է տալիս երկարաժամկետ առաքելություններ իրականացնել մինչև մեկ տարի՝ առանց հեռավոր ջրերում վառելիք լիցքավորելու:

Իսրայելի պաշտպանության նախարար Իսրայել Կացը հրամայել է զինվորականներին պլաններ պատրաստել, որոնք թույլ կտան պաղեստինցիներին, «ովքեր ցանկանում են հեռանալ» Գազայից, հեռանալ:

Կացն ասել է, որ ռազմական ծրագիրը կներառի ցամաքային, օդային և ծովային ճանապարհով ելքի տարբերակներ:

«Ես հանձնարարել եմ Իսրայելի պաշտպանությանը նախապատրաստել ծրագիր, որը թույլ կտա Գազայից յուրաքանչյուրին, ով ցանկանում է հեռանալ, դա անել ցանկացած երկրում, որը ցանկանում է ընդունել իրենց:

ՀԱՄԱՍ-ը Գազայի բնակիչներին օգտագործեց որպես կենդանի վահան, կառուցեց իր ահաբեկչական ենթակառուցվածքը խաղաղ բնակչության սրտում և այժմ պատանդ է պահում նրանց՝ մարդասիրական օգնության համակարգի միջոցով նրանցից փող կորզելով և թույլ չտալով նրանց հեռանալ Գազայից:

Պլանը կներառի ցամաքային անցակետերով ելքի տարբերակներ, ինչպես նաև ծովային և օդային ճանապարհով ելքի հատուկ միջոցներ»,-ասված է նա սոցցանցերում տարածված հայտարարության մեջ։

Միևնույն ժամանակ, Իսրայելի պաշտպանության նախարարի խոսքով, այնպիսի երկրներ, ինչպիսիք են Իսպանիան, Իռլանդիան, Նորվեգիան և այլք, «որոնք կեղծ մեղադրանքներ են ներկայացնում Իսրայելին Գազայում գործողությունների մեջ, օրենքով պարտավոր են թույլ տալ Գազայի բնակիչներին մուտք գործել իրենց տարածք»:

«Նրանց կեղծավորությունը կբացահայտվի, եթե հրաժարվեն։ Մինչդեռ Կանադայի նման երկրները, որոնք ունեն ներգաղթի կառուցվածքային ծրագիր, նախկինում պատրաստակամություն են հայտնել ընդունել Գազայի բնակիչներին»,- գրել է նա։

«Գազայի բնակիչները պետք է ունենան ազատ տեղաշարժի և միգրացիայի իրավունք, ինչպես դա ամբողջ աշխարհում է:

Ես ողջունում եմ նախագահ Դոնալդ Թրամփի համարձակ նախաձեռնությունը, որը կարող է լայն հնարավորություններ ստեղծել Գազայի բնակիչների համար, ովքեր ցանկանում են հեռանալ, օգնել նրանց վերաբնակեցնել ընդունող երկրներում և աջակցել երկարաժամկետ ջանքերին՝ վերականգնելու ապառազմականացված, սպառնալիքներից զերծ ՀԱՄԱՍ-ից հետո Գազայի հատվածը:

Մեր գնահատականը դրական է Իրան-Հայաստան հսկիչ-սահմանային կետից ռուս սահմանապահների հեռացման հարցում: Այս մասին հրավիրված մամուլի ասուլիսին հայտարարեց Իրանի դեսպան Մեհդի Սոբհանին:

«Դրանով սահմանը կվերահսկվի հայկական սահմանապահ ուժերի կողմից, որևէ իմաստ չունի որ մի երկրի սահմանն այլ երկրների սահմանապահ ուժերի կողմից վերահսկվի: Սա իմ տեսակետն է Հայաստանի շահերի ուղղությամբ և Իրան-Հայաստան հարաբերություններին ծառայելու իմաստով»,- ասաց նա:

Հիշեցնենք, որ հունվարի 1-ից Հայաստան-Իրան պետական սահմանի հսկիչ-սահմանային կետում ծառայությունն ամբողջությամբ իրականացվում է ՀՀ ԱԱԾ Սահմանապահ զորքերի ուժերով։ 

ԱՄՆ դեսպանատունը, ԱՄՆ USAID-ը գործել են ժողովրդի և վրացական պետության դեմ. այս մասին, «Սպուտնիկ» գործակալության վրացական ծառայության փոխանցմամբ, ասել է Վրաստանի վարչապետ Իրակլի Կոբախիձեն՝ արձագանքելով ԱՄՆ պետքարտուղար Մարկո Ռուբիոյի հայտարարությանը, որ USAID-ն ամերիկացի հարկատուների գումարները ծախսում է Միացյալ Նահանգների շահերին հակասող ծրագրերի ֆինանսավորման վրա:

«Մենք իսկապես հուսով ենք, որ ԱՄՆ նոր վարչակազմի օրոք, առաջին հերթին, կփոխվի ԱՄՆ դեսպանատան մոտեցումը վրաց ժողովրդի և վրաց պետության նկատմամբ, և կդադարի այն գարշելի համակարգումը, որը կար դեսպանատան, USAID-ի, «Ժողովրդավարության ազգային հիմնադրամ»-ի (NED) և այլ համապատասխան կառույցների միջև», - ասել է Իրակլի Կոբախիձեն։

ԱՄՆ նախագահ Դոնալդ Թրամփի վարչակազմը մտադիր է ԱՄՆ-ի Միջազգային զարգացման գործակալությունը (USAID) միացնել Պետքարտուղարությանը և կրճատել այդ կազմակերպության աշխատակիցների թիվը: Թրամփը քննադատել է USAID-ն՝ նշելով, որ այն ամերիկացի հարկատուների գումարները ծախսում է ԱՄՆ-ի շահերին չծառայող նախագծերի վրա:

USAID-ը ստեղծվել է 1961 թվականին նախագահ Ջոն Քենեդու վարչակազմի օրոք. այն ԱՄՆ կառավարության մարդասիրական թևն է: Այն տարեկան միլիարդավոր դոլարներ է տրամադրում ամբողջ աշխարհում՝ փորձելով պայքարել աղքատության և սովի դեմ, աջակցել տարբեր հիվանդությունների բուժմանն ու բնական աղետների հետևանքների վերացմանը: Գործակալությունն ԱՄՆ-ի հիմնական փափուկ ուժի գործիքն է՝ խթանելու հարաբերություններն ամբողջ աշխարհում տարբեր համայնքների հետ:

Միայն Հայաստանն ու Իրանն են, որ այսպես կոչված, Զանգեզուրի միջանցքի մասին միատեսակ են մտածում: Այս մասին հրավիրված մամուլի ասուլիսին հայտարարեց ՀՀ-ում Իրանի դեսպան Մեհդի Սոբհանին:

«Միայն Իրանն է, որ աջակցում է Հայաստանին՝ դեմ հանդես գալու, այսպես կոչված, Զանգեզուրի միջանցքի հարցում: Տարածաշրջանի երկրներից միայն Իրանն է, որ այս հարցում կանգնած է Հայաստանի կողքին: Մենք Հայաստանի հետ այս հարցում տարաձայնություն չունենք: Զանգեզուրի միջանցքը վնաս է և՛ Հայաստանին, և՛ Իրանին»,- ասաց Սոբհանին:

Անդրադառնալով Հայաստանի և Ադրբեջանի միջև իրականացվող սահմանազատման ու սահմանագծման պրոցեսին, Սոբհանին ասաց, որ այդ պրոցեսը նոր քայլ է՝ խաղաղության հասնելու:

«Այն ինչ որդեգրվել է հիմքում, Ալմաթիի հռչակագիրն է և միջազգային կանոնակարգերը: Ինչ վերաբերում է սահամազատման գործընթացին, եթե այն իրականացվում է Ալմաթիի հռչակագրի և միջազգային կանոնների համաձայն, դա կնպաստի անվտանգության և խաղաղության ապահովմանը: Մեր և Հայաստանի միջև սահմանը շատ հստակ է, և այն, ինչ իրականացվում է Հայաստանի և Ադրբեջանի միջև, սահմանների հստակեցման հարցում, որևէ ազդեցություն չի կարող ունենալ մեր և Հայաստանի միջև սահմանի վրա»,- շեշտեց դեսպանը։

Դրանք Իրանի ժողովրդի նեկայացուցիչներ չեն. դեսպանը՝ հայտնի տեսանյութի մասին. Տեսանյութ

Թաքնված տեսախցիկներ «Խոսրովի անտառ» պետական արգելոցում ֆիքսել են գայլերի։ Տեսանյութը հրապարակվել է արգելոցի ֆեյսբուքյան էջում։

Գայլերի մարմնի երկարությունը 105-160 սմ է, քաշը՝ 32-50 կգ, հազվադեպ մինչև 76 կգ։

Գայլերը ապրում են զույգերով, ուշ աշնանը և ձմռան սկզբին երբեմն շրջում են ոհմակով (5-11 գայլ)։

Նրանք կարողանում են վազել 55-60 կմ/ժ արագությամբ և մեկ գիշերվա ընթացքում հաղթահարում են 60-80 կմ տարածք։

Հայաստանում հարկերը և տուրքերը չեն ավելացել։

Այս մասին լրագրողների հետ զրույցում ասել է Հայաստանի էկոնոմիկայի նախարար Գևորգ Պապոյանը։

«Թափանցիկ գործունեություն իրականացնող ընկերությունների համար հարկերը նվազում են»,- վստահեցրել է նա։

Պապոյանը համոզմունք է հայտնել, որ այսօր Հայաստանում միջին աշխատավարձը մոտենում է 300 հազար դրամին՝ ասելով, որ նվազագույն աշխատավարձի բարձրացման հարցը կառավարության ուշադրության կենտրոնում է։

Նախարարը նշել է, որ անցած տարի Հայաստանում 20 հազար ընտանիքներ, որոնք զբաղվում են բուսաբուծությամբ, պետությունից ստացել են աջակցություն գարնանացանի համար, իսկ ջերմոցային տնտեսությունների արտադրանքի արտահանումը ավելացել է 60 տոկոսով։ 

ԱՄՆ դոլարի փոխարժեքն այսօր՝ փետրվարի 6-ին, կազմել է 396.83 դրամ՝ նախորդ օրվա համեմատ աճելով 0.25 դրամով: Այդ մասին տեղեկանում ենք Կենտրոնական բանկի պաշտոնական կայքից։

Եվրոյի փոխարժեքը կազմել է 411.16 դրամ (նվազել է 2.20 դրամով), բրիտանական ֆունտի փոխարժեքը կազմել է  492.74 դրամ (նվազել է 4.53 դրամով), իսկ ռուսական ռուբլու փոխարժեքը կազմել է 4.08 դրամ (աճել է 0.03 դրամով):

Հայաստանյան բանկերում դոլարը գնվում է 393-395.5 դրամով, վաճառվում է 398-400 դրամով:

Եվրոն բանկերում գնվում է 403-410 դրամով, վաճառվում է 414-420 դրամով:

Ռուբլին բանկերում գնվում է 3.82-4.03 դրամով, վաճառվում է 4.10-4.30 դրամով: Փոխանակման կետերում իրավիճակը հետևյալն է.

դոլարը գնվում է 395 դրամով, վաճառվում՝ 398-398.5 դրամով:

Եվրոն գնվում է 410 դրամով, վաճառվում է 415 դրամով:

Ռուբլին գնվում է 4.00 դրամով, վաճառվում է 4.07-4.10 դրամով:

Հայաստանում շարունակվում են շրջանառվել  Գրիպ Ա տեսակի  H1pdm09 ենթատեսակի հարուցիչները։ Այլ շնչառական վարակներից՝ ռեսպիրատոր սինցիտիալ վիրուսի, ռինովիրուսի, և կորոնավիրուսային հիվանդության SARS-COV-2-ի հարուցիչներ։ Այս մասին հայտնում են Հիվանդությունների վերահսկման և կանխարգելման ազգային կենտրոնից։ 

2025թ-ի թվականի 5-րդ շաբաթվա (27.01-02.02.2025թթ) ընթացքում ՀՀ-ում շարունակվում է արձանագրվել  սուր շնչառական վարակներով պայմանավորված բարձր ակտիվություն:

Ըստ մարզերի պատկերը հետևյալն է՝ Արարատի, Կոտայքի և Տավուշի մարզերում արձանագրվել է ակտիվության բարձր ինտենսիվություն, Գեղարքունիքի, Լոռու,  Շիրակի, Արմավիրի,Վայոց Ձորի, մարզերում և Երևան քազաքում արձանագրվել է  ինտենսիվության միջին ակտիվություն, իսկ Արմավիրի և Սյունիքի մարզերում՝ ցածր ակտիվություն:

Նշված ժամանակահատվածում առողջության առաջնային պահպանման կազմակերպություններ ՍՇՎ-ով դիմել են 9105 պացիենտ, (հիվանդացության ցուցանիշը կազմել է՝ 307․3), նախորդ տարվա միևնույն ժամանակահատվածում արձանագրված թվով 10033 դեպքերի (հիվանդացության ցուցանիշն ըստ 100000 բնակչի 338․7) համեմատ ևս ցածր է՝ 1.1 անգամ։ Ընդհանուր դեպքերի 74.7%-ը արձանագրվել է 0-18 տարեկանների շրջանում։