Հայաստանի և Թուրքիայի միջև սահմանային անցակետի բացման հարցում այս պահին զարգացումներ չկան։
«Արմենպրես»-ի հարցմանն ի պատասխան՝ այս մասին հայտնեց Հայաստանի արտաքին գործերի նախարարության մամուլի խոսնակ Անի Բադալյանը։
«Հայաստանի և Թուրքիայի միջև սահմանային անցակետի բացման հարցում այս պահին զարգացումներ չկան, լինելու պարագայում կտեղեկացնենք»,-նշեց Բադալյանը:
Մայամիի ոստիկանությունը հայտնել է, որ ձերբակալել է երեք տղամարդու՝ շքեղ մեքենաների առևանգումների և վերավաճառքի կազմակերպված սխեմայի առնչությամբ: Դրա մասին, ըստ nes.am-ի, հայտնում է WSVN-ը։
Ոստիկանության տվյալներով՝ հանցախմբի գործունեությունը մոտ 300 հազար դոլարի վնաս է պատճառել։
41-ամյա Յուրի Կորոտովսկին, 53-ամյա Արման Գևորգյանը և 43-ամյա Հրանտ Նազարյանը ձերբակալվել են առանձնապես խոշոր չափերով գողության, գողացված գույքի ապօրինի շրջանառության և կազմակերպված խարդախություն կատարելու մեղադրանքով։
Ադրբեջանը հայտնել է, որ բացահայտել է Ռուսաստանի շահերը ներկայացնող խմբի, գրում են ադրբեջանական լրատվամիջոցները։
Այդ կառույցը, ինչպես գրում են տեղական լրատվամիջոցները, ղեկավարել է նախագահի աշխատակազմի նախկին ղեկավար Ռամիզ Մեխտիևը, որը հայտնի է որպես «գորշ կարդինալ»։
Խմբի կազմում էին նաև Ադրբեջանի մշակույթի նախկին նախարար Աբուլֆազ Գարաևը, Ադրբեջանի երիտասարդության և սպորտի նախկին նախարար Ազադ Ռահիմովը և Ադրբեջանի նախկին արտգործնախարար Էլմար Մամեդյարովը։ Հաղորդվում է, որ Ազգային անվտանգության նախկին նախարար Էլդար Մախմուդովը ժամանակ առ ժամանակ մասնակցել է այս խմբի նիստերին։
Հայ-թուրքական սահմանի Մարգարայի անցակետը շուտով կբացվի: Դրա մասին NEWS.am-ին հայտնել է իրազեկ դիվանագիտական աղբյուրը։
Ըստ աղբյուրի՝ անցակետի բացումը նախատեսված է մարտի 1-ին։ Միաժամանակ նախատեսվում է, որ անցակետը կհսկեն ՀՀ ազգային անվտանգության ծառայության ուժերը։
Հիշեցնենք, որ ներկայում Հայաստանի Հանրապետությունում ԱԴԾ տնօրինությունը հսկողություն է իրականացնում հայ-թուրքական սահմանի ամբողջ պարագծով։ Նախկինում հաղորդվել էր, որ անցակետի վերանորոգման համար հայկական կողմը ավելի քան 1 միլիարդ դրամ է ծախսել։
Ադրբեջանը հայտնել է, որ բացահայտել է Ռուսաստանի շահերը ներկայացնող խմբի, գրում են ադրբեջանական լրատվամիջոցները։
Այդ կառույցը, ինչպես գրում են տեղական լրատվամիջոցները, ղեկավարել է նախագահի աշխատակազմի նախկին ղեկավար Ռամիզ Մեխտիևը, որը հայտնի է որպես «գորշ կարդինալ»։
Խմբի կազմում էին նաև Ադրբեջանի մշակույթի նախկին նախարար Աբուլֆազ Գարաևը, Ադրբեջանի երիտասարդության և սպորտի նախկին նախարար Ազադ Ռահիմովը և Ադրբեջանի նախկին արտգործնախարար Էլմար Մամեդյարովը։ Հաղորդվում է, որ Ազգային անվտանգության նախկին նախարար Էլդար Մախմուդովը ժամանակ առ ժամանակ մասնակցել է այս խմբի նիստերին։
ԱՄՆ նախագահ Դոնալդ Թրամփը խոսում է Իրանի հետ բանակցություններ սկսելու ցանկության մասին, սակայն, միևնույն ժամանակ, նոր դավադրություններ է կառուցում երկրի դեմ, ТАСС-ի փոխանցմամբ, այս մասին ասել է Իրանի նախագահ Մասուդ Փեզեշքիանը:
Իրանի նախագահը հավելել է, որ խոսքը «հակաիրանական հրամանագրերի մասին է»:
«ԱՄՆ-ն կարող է միայն երազել Իրանին ծնկի բերելու մասին»,- հավելել է Փեզեշքիանը:
Իրանի իշխանությունները հայտարարել են, որ ԱՄՆ-ի հետ նոր միջուկային գործարքի չեն գնա: Այդ մասին, մասնավորապես, ասել է երկրի ԱԳ նախարար Աբբաս Արաղչին՝ այդպես արձագանքելով Թրամփի վերջին հայտարարություններին։
Վերջինս փետրվարի 5-ին հայտարարել էր, որ կցանկանար Իրանի հետ կնքել «վերիֆիկացված» միջուկային խաղաղության համաձայնագիր, որը Թեհրանին թույլ կտա խաղաղ զարգանալ և բարգավաճել։ Փետրվարի 9-ին Թրամփն Իրանին կոչ էր արել անհապաղ սկսել դրա ուղղությամբ աշխատանքը՝ հայտարարելով, որ Իրանի դեմ ռազմական գործողություններ վարելու փոխարեն պատրաստ է գործարք կնքել այդ երկրի հետ:
Արաքչին մինչդեռ նշել է, որ Իրանն այլևս չի վստահում միջուկային ծրագրի շուրջ բանակցություններ վարելու ԱՄՆ առաջարկներին. Թեհրանում իշխանությունները երկխոսության չեն գնա նույնիսկ ամերիկյան նոր վարչակազմի ճնշման ներքո: Նրա խոսքով՝ ԱՄՆ-ն խախտել է ԳՀՀԾ մասով իր խոստումը, ըստ այդմ՝ Թեհրանը չի վստահում ԱՄՆ-ի կողմից բանակցությունների առաջարկներին և չի վարի դրանք նույնիսկ ճնշման, ուժի կամ որևէ այլ պատրվակի ներքո:
Արաղչիի հայտարարությունը զարգացրել է Իսլամական հեղափոխության պահապանների կորպուսի հրամանատարի տեղակալ Մոհամմադ Ռեզա Նակդին՝ ասելով, որ իրանական կողմը կրկին չի մտնի բանակցություններ արևմտյան երկրների հետ՝ Իրանն ավելի խելացի է։
Իսկ Իրանի գլխավոր շտաբի պետ Մոհամմադ Բաղերին կարծում է, որ երկրի զինված ուժերն ավելի լավ վիճակում են, քան երբևէ և պատրաստ են արձագանքել ցանկացած սպառնալիքի: Այսպես է նա պատասխանել Իրանի տարածքին ԱՄՆ-ի և Իսրայելի հնարավոր հարվածի վերաբերյալ Թեհրանի արձագանքի մասին հարցին:
2015-ին Մեծ Բրիտանիան, Գերմանիան, Չինաստանը, Ռուսաստանը, ԱՄՆ-ը, Ֆրանսիան և Իրանը կնքեցին միջուկային գործարք (Իրանի միջուկային ծրագրի վերաբերյալ Գործողությունների համատեղ համապարփակ ծրագիր), որը ենթադրում էր պատժամիջոցների վերացում՝ Իրանի միջուկային ծրագիրը սահմանափակելու դիմաց: Դոնալդ Թրամփի նախորդ նախագահության օրոք՝ 2018 թվականի մայիսին, ԱՄՆ-ը դուրս եկավ ծրագրից և վերականգնեց Թեհրանի դեմ պատժամիջոցները: Ի պատասխան՝ Իրանը հայտարարեց համաձայնագրի շրջանակներում իր պարտավորությունների փուլային կրճատման մասին՝ հրաժարվելով, մասնավորապես, միջուկային հետազոտությունների և ուրանի հարստացման մակարդակի սահմանափակումներից:
«Եվրոպական Միությանը Հայաստանի Հանրապետության անդամակցելու գործընթացի մեկնարկի մասին» օրենքի նախագիծը ընդգրկվել է ՀՀ ԱԺ 8-րդ գումարման 9-րդ նստաշրջանի 2025 թվականի փետրվարի 11-ն գումարվող հերթական նիստերի օրակարգում։ Նշված տեղեկատվությունը տեղադրված է ՀՀ Ազգային ժողովի պաշտոնական կայքում՝ «Նիստերի օրակարգ» ենթաբաժնում։
Որպես օրենսդրական նախաձեռնության հեղինակ՝ նշված է «Քաղաքացիական նախաձեռնություն» եզրույթը, իսկ առաջարկությունը խորհրդարան է ներկայացվել ՀՀ կառավարության կողմից, ինչը ամրագրված է օրինագծի ամփոփաթերթի առաջին տողում։
«Ելնելով Ազգային ժողովի կողմից հավանության արժանացած` Կառավարության 2021-2026 թվականների ծրագրի «Արտաքին քաղաքականություն» բաժնի 1.1-ին ենթաբաժնից, որի համաձայն «Հայաստանը շարունակելու է Եվրոպական միության և ԵՄ անդամ պետությունների հետ երկկողմ և բազմակողմ համագործակցությունը՝ հիմնվելով Հայաստան-ԵՄ Համապարփակ և ընդլայնված գործընկերության համաձայնագրի (ՀԸԳՀ) և այլ համատեղ ստորագրած փաստաթղթերի վրա: Շարունակվելու է Հայաստան-ԵՄ ինստիտուցիոնալ համագործակցությունը՝ ժողովրդավարական բարեփոխումների, ոլորտային առկա մարտահրավերները հաղթահարելու, ինչպես նաև Հայաստանի Հանրապետության քաղաքացիների համար ԵՄ մուտքի արտոնագրի ազատականացման երկխոսություն սկսելու ուղղությամբ», ինչպես նաև նկատի ունենալով Հայաստանի Հանրապետության վարչապետի կողմից Եվրոպական խորհրդարանում հնչեցված դիրքորոշումն առ այն, որ Հայաստանի Հանրապետությունը պատրաստ է Եվրոպական միությանը այնքան մոտ լինել, ինչքան Եվրոպական միությունը հնարավոր կհամարի, Կառավարությունն առարկություն չունի նախագծի բովանդակության վերաբերյալ»,- նշվում է առաջարկության մեջ։
Թուրքիայի նախագահ Ռեջեփ Թայիփ Էրդողանը Մալայզիա մեկնելուց առաջ հայտարարել է, որ ոչ ոք ի զորու չէ Գազայի բնակիչներին վտարել իրենց հավերժական, հազարամյա հայրենիքից:
Թուրքական պետության ղեկավարը հայտարարել է, որ Պաղեստինը՝ Գազայի, Արևմտյան ափի և Արևելյան Երուսաղեմի հետ, պատկանում է պաղեստինցիներին:
«Մեր տեսանկյունից, Իսրայելի կառավարության ճնշման ներքո ամերիկյան նոր վարչակազմի կողմից Գազայի վերաբերյալ առաջարկություններում ուշադրության կամ քննարկման արժանի ոչինչ չկա», – ասել է Էրդողանը:
Մոսկվան կողմ է, որ Հայաստանն ու Ադրբեջանը` երկրներ, որոնք հետ մեզ դաշնակցային հարաբերություններ ունեն, խաղաղության այնպիսի պայմանագիր մշակեն, որը ճանապարհ կբացի և կնշանակի հարաբերությունների կայուն երկարաժամկետ կարգավորում, այլ ոչ թե «ական» կդնի ապագա սերունդների համար։ Այս մասին «Известия»-ին տված հարցազրույցում հայտարարել է ՌԴ փոխարտգործնախարար Միխայիլ Գալուզինը։
Դիվանագետը ցավով նշել է նաև, որ Ռուսաստանի, Ադրբեջանի և Հայաստանի փոխվարչապետների գլխավորած եռակողմ խմբի աշխատանքը դադարեցվել է։
«Բնականաբար, մենք միշտ պատրաստ ենք նպաստել առաջընթացին, և դեմ ենք, որ ինչ–որ հապճեպ փաստաթուղթ ստորագրվի, ինչպես պնդում է Արևմուտքը, որը շատ է ցանկանում Հայաստանին և Ադրբեջանին հնարավորինս շուտ դրդել խաղաղության պայմանագիր կնքել արևմտյան որևէ հարթակում», - ասել է նա։
Հապճեպ և վերջնական չստուգված որոշումները, ըստ Գալուզինի, կարող են հանգեցնել ոչ թե երկարաժամկետ կայուն խաղաղության, այլ, ընդհակառակը, ապագայի համար առճակատման որոշակի «սերմեր տնկել»: ՌԴ ԱԳՆ-ն այս տարբերակը չափազանց անցանկալի է համարում և՛ Հայաստանի ու Ադրբեջանի, և՛ Հարավային Կովկասի, և՛ Ռուսաստանի համար։
Դիվանագետը ցավով նշել է նաև, որ տրանսպորտային հաղորդակցությունների ապաշրջափակմանը և տնտեսական կապերի վերականգնմանը ուղղված Ռուսաստանի, Ադրբեջանի և Հայաստանի փոխվարչապետների գլխավորած եռակողմ խմբի աշխատանքը դադարեցվել է։
Գալուզինը ևս մեկ անգամ դիմել է կողմերին ու առաջին հերթին հայ բարեկամներին՝ այս խմբի շրջանակներում աշխատանքի վերադառնալու կոչով։ Ռուսական կողմը միշտ պատրաստ է ցանկացած հնարավոր աջակցություն ցուցաբերել կողմերին, եթե նրանք դա ցանկանան, հավելել է նա։
Ավելի վաղ ՌԴ փոխվարչապետ Ալեքսեյ Օվերչուկը հայտարարել էր, որ տարածաշրջանում հակամարտությունը կարգավորելուն ուղղված Ռուսաստանի, Հայաստանի և Ադրբեջանի եռակողմ խմբի (ստեղծվել է 2021 թվականի հունվարին) գործունեությունը դադարեցնելու պաշտոնական որոշում չի կայացվել։ Շփումները շարունակվում են, բայց ոչ եռակողմ ձևաչափով, այլ առանձին՝ Երևանի և Բաքվի միջև։
Ֆոտո
