Մարկ Քարնին կիրակի ընտրվել է Կանադայի իշխող Լիբերալ կուսակցության նոր առաջնորդ և կլինի երկրի հաջորդ վարչապետը։ Սրանք, news.am-ի փոխանցմամբ, ներկուսակցական ընտրությունների արդյունքներն են, որոնցում նա ստացել է այս քաղաքական ուժի անդամների ձայների 85,9%-ը։
Կուսակցության համագումարում հայտարարված տվյալների համաձայն՝ ֆինանսների նախկին նախարար և նախկին փոխվարչապետ Քրիստիա Ֆրիլենդը ստացել է ձայների 8%-ը, իսկ Համայնքների պալատում (խորհրդարանի ստորին պալատ) Կանադայի կառավարության ղեկավար Կարինա Գուլդը և լիբերալ պատգամավոր Ֆրենկ Բեյլիսը՝ մոտ 3%։ Համագումարը հեռարձակվել է ազգային հեռուստաալիքներով։
Քարնին վարչապետի պաշտոնը կզբաղեցնի միայն այն բանից հետո, երբ գործող վարչապետ Ջասթին Թրյուդոն հրաժարականի պաշտոնական նամակ կներկայացնի գեներալ-նահանգապետ Մերի Սայմոնին: Սպասվում է, որ դա տեղի կունենա մոտ օրերս։ Սրանից հետո Սայմոնը Քարնիին առաջարկելու է կառավարություն կազմել և երդում տալ։
Ո՞վ է Մարկ Քարնին
Քարնին կանադացի է և ականավոր տնտեսագետ: Նա Կանադայի Բանկի կառավարիչն էր 2008-ից 2013 թվականներին՝ համաշխարհային ֆինանսական ճգնաժամից հետո առաջին տարիներին:
Այնուհետև նա գլխավորել է Անգլիայի Բանկը 2013-2020 թվականներին, և նրա պաշտոնավարում համընկել է Brexit-ի բուռն տարիները:
«Ես ներգրավված եմ եղել բազմաթիվ ճգնաժամերի լուծման և երկու տնտեսությունների փրկության մեջ: Ես գիտեմ, թե ինչպես է աշխատում բիզնեսը, և ես գիտեմ, թե ինչպես դա աշխատի ձեզ համար», - ասել է Քարնին, երբ հայտարարել է իր թեկնածությունն առաջադրելու մասին իր հայրենի Էդմոնթոնում:
Քարնին վերջին ամիսներին ծառայում էր որպես Թրյուդոյի տնտեսական հարցերով խորհրդական, սակայն արդյունքում սկսել է քննադատել նախկին վարչապետի գործողություններն այդ ոլորտում:
«Ես Կանադայում միակ Լիբերալ կուսակցության անդամը չեմ, ով կարծում է, որ վարչապետը և նրա թիմը չափազանց հաճախ են շեղվել տնտեսությունից», - ասել է Քարնին:
Կանադայում իշխող Լիբերալ կուսակցության նոր ղեկավար է ընտրվել Կենտրոնական բանկի նախկին նախագահ Մարկ Քարնին։ Նա նաև կդառնա Կանադայի հաջորդ վարչապետը՝ փոխարինելով Ջասթին Թրյուդոյին, հայտնում է Global News-ը։
Ընտրություններում Քարնին հավաքել է ձայների 86%-ը։
Կուսակցության նոր ղեկավարն X-ի իր էջում երախտագիտություն է հայտնել կուսակիցներին։ Հայտնի է, որ Քարնին Ուկրաինային ֆինանսական և ռազմական օգնություն ուղարկելու կողմնակից է: Դեմ է ԱՄՆ-ի հետ Կանադայի միավորմանը։
«Կանադան երբեք, ոչ մի ձևով Ամերիկայի մաս չի դառնա»,- գրել է Մարկ Քարնին։
Իսրայելի էներգետիկայի նախարար Էլի Քոհենը կիրակի օրը հայտարարել է, որ հրամայել է դադարեցնել էլեկտրաէներգիայի մատակարարումը Գազայի հատված՝ մեկ շաբաթ անց այն բանից հետո, երբ Իսրայելը արգելափակել էր պատերազմից տուժած պաղեստինյան տարածք ուղարկվող ցանկացած օգնություն, հաղորդում է AFP-ն:
«Ես հենց նոր հրաման եմ ստորագրել Գազայի հատվածի էլեկտրաէներգիայի մատակարարումն անհապաղ դադարեցնելու մասին»,- ասել է Քոհենն իր տեսաուղերձում։
«Մենք կօգտագործենք մեր տրամադրության տակ եղած բոլոր գործիքները՝ պատանդներին վերադարձնելու համար և որպեսզի պատերազմի ավարտի հաջորդ օրը ՀԱՄԱՍ-ն այլևս Գազայում չլինի»,- հավելել է նա։
Հանգստյան օրերին Իսրայելը հայտարարեց, որ արգելափակում է մարդասիրական օգնության մատակարարումները Գազա, քանի դեռ պաղեստինցի զինյալները չեն ընդունել հրադադարի երկարաձգման պայմանները, որը հիմնականում դադարեցրել է ավելի քան 15 ամիս շարունակվող մարտերը:
Հրադադարի առաջին փուլը, որն ավարտվել է մարտի 1-ին, թույլ է տվել առաքել կենսական նշանակություն ունեցող սննդամթերք և բժշկական օգնություն։
Իսրայելը հայտարարել է, որ ցանկանում է երկարաձգել առաջին փուլը մինչև ապրիլի կեսը, սակայն պաղեստինյան ՀԱՄԱՍ խմբավորումը պնդում է երկրորդ փուլին անցնելու անհրաժեշտությունը, որը կհանգեցնի պատերազմի վերջնական ավարտին: Շաբաթ օրը ՀԱՄԱՍ-ը օգնությունն արգելափակելու համար մեղադրեց Իսրայելին «կոլեկտիվ պատժի ռազմական հանցագործություն կատարելու» մեջ և հայտարարեց, որ այդ քայլը ազդել է նաև այնտեղ դեռևս պահվող իսրայելցի պատանդների վրա:
2023 թվականի հոկտեմբերի 7-ին Իսրայելի վրա ՀԱՄԱՍ-ի հարձակման ժամանակ գերեվարված 251 պատանդներից 58-ը մնում են պաղեստինյան տարածքում, իսկ 34 հոգու մահը հաստատել է իսրայելական բանակը։
Արկտիկայի ցուրտը, եկող շաբաթ հարված կհասցնի Իսպանիային, Մարոկկոյին, Պորտուգալիային, Մեծ Բրիտանիային և Ֆրանսիային, օդի ջերմաստիճանը նորմայից ցածր կլինի 5-7 աստիճանով, իսկ մեր տարածաշրջանում կգերակշռի արևոտ եղանակը՝ օդի ջերմաստիճանը նորմայից բարձ 10-13 աստիճանով:
Այդ մասին հայտնում է Հայհիդրոմետի տնօրեն Լևոն Ազիզյանը։
Իսրայելի արտգործնախարար Գիդեոն Սաարը հայտարարել է, որ եվրոպական երկրները պետք է «արթնանան» և հիմնովին փոխեն իրենց մոտեցումը Սիրիայի նոր կառավարության նկատմամբ, որի առաջնորդներին նա անվանել է «կոստյումներով ջիհադիստներ»:
«Անցյալ շաբաթավերջին Սիրիայի ժամանակավոր նախագահ Ահմեդ ալ-Շարաայի մարդիկ հանեցին իրենց դիմակները և անխնա դատաստան տեսան սեփական ժողովրդի՝ այսպես կոչված, «Նոր Սիրիայի» քաղաքացիների հետ»,- ասել է Սաարը գերմանական Bild թերթին տված հարցազրույցում՝ անդրադառնալով Սիրիայի նոր իշխանությունների կողմից գազանաբար սպանված ալավի խաղաղ բնակիչներին։
«Եվրոպան պետք է բարձրացնի իր ձայնը՝ ընդդեմ կոտորածի, ընդդեմ խաղաղ բնակիչների բարբարոսական սպանությունների, ընդդեմ ջիհադիստական այս մարմնավորված չարիքի: Նա պետք է արթնանա: Պետք է դադարեցնի լեգիտիմություն տալ այն ռեժիմին, որի առաջին գործողությունները, ինչը զարմանալի չէ, հաշվի առնելով նրա հայտնի ահաբեկչական անցյալը, այս վայրագությունները դարձան»,- ասել է Իսրայելի արտգործնախարարը։
Ըստ նրա, «միջազգային հանրությունն ընդհանրապես և Եվրոպան մասնավորապես վերջին ամիսներին հոսեցին Դամասկոս՝ սեղմելու ալ-Շարաայի ձեռքը»։
Սակայն, ըստ նրա, Սիրիայի նոր կառավարիչները «ջիհադիստներ էին և այդպիսին էլ մնում են, նույնիսկ եթե հիմա կոստյումներ են հագնում»:
Ադրբեջանի հարավում գտնվող Յարդըմլի շրջանում 4 բալ ուժգնությամբ երկրաշարժ է տեղի ունեցել։
3,9 մագնիտուդով երկրորդ երկրաշարժը տեղի է ունեցել Իրանի հետ սահմանին գտնվող Լերիկի շրջանում։
Այս մասին հայտնում է Երկրաշարժի հետազոտությունների բյուրոյի մամուլի ծառայությունը։
ԱՄՆ նախագահ Դոնալդ Թրամփը հայտարարել է, որ Զելենսկու հետ վիճաբանությունից հետո նախկինի պես սպասում է Կիևի հետ հազվագյուտ մետաղների վերաբերյալ գործարքի ստորագրմանը: Այս մասին Թրամփն ասել է այսօր Սպիտակ տանը լրագրողների հետ հանդիպման ժամանակ:
Նա նաև նշել է, որ կոշտ դիրքորոշում ունի Ռուսաստանի նկատմամբ, բայց միևնույն ժամանակ լավ հարաբերություններ է պահպանում Պուտինի հետ:
Այսօրվա դրությամբ Սիրիա ծովափնյա քաղաքներում բախումները շարունակվում են: Այս մասին «Արմենպրես»-ի հետ զրույցում հայտնեց Հալեպի «Գանձասար» թերթի գլխավոր խմբագիր Զարմիկ Պողիկյանը՝ հավելելով, որ բուն Լաթաքիա քաղաքում իրավիճակը համեմատաբար մեղմ է:
«Անվտանգության ուժեր են տարածված քաղաքում և խուզարկություններ, գործողություններ են իրականացնում վտանգավոր երևույթները կանխելու համար: Ընդհանրապես՝ քաղաքում մարդիկ զգուշություն են ցուցաբերում, տներից դուրս չեն գալիս: Նույնն է վիճակը Տարտուսում և Բանիասում, որտեղ հայեր քիչ կան, նրանցից ոմանք տեղափոխվել են Հալեպ՝ անվտանգության նկատառումներով: Լաթաքիայում հայերը համեմատաբար մեծաթիվ են, որոնք շարունակում են մնալ իրենց տներում, չեն համարձակվում դուրս գալ, քանի որ կրակոցներ են լսվում և լարված է վիճակը, սակայն քաղաքի կենտրոնում այսօր համեմատաբար ավելի հանգիստ է»,- ասաց նա:
Անդրադառնալով հայ համայնքում տիրող իրավիճակին՝ Պողիկյանը մանրամասնեց, որ երեկ՝ մարտի 8-ին, երկու հայ են զոհվել, ովքեր վերադառնում էին Լաթաքիա և կրակոցների հետևանքով սպանվել են։ Նրա խոսքով՝ ներկայում որոշակի մտահոգություններ կան՝ կապված սննդի, դեղորայքի հետ, քանի որ տեղաշարժը քաղաքում գրեթե կանգ է առել: Ժամանակ առ ժամանակ ընդհատվում է ջրամատակարարումը, բացակայում է էլեկտրամատակարարումը:
«Փակ են եկեղեցին, դպրոցները: Կրթության նախարարությունն այս երկու օրերին քաղաքում ընդհանրապես փակ է հայտարարել դպրոցներն ու համալսարանները, մինչև իրավիճակը կմեղմանա»,- հավելեց Պողիկյանը:
Այսօրվա դրությամբ Սիրիա ծովափնյա քաղաքներում բախումները շարունակվում են: Այս մասին «Արմենպրես»-ի հետ զրույցում հայտնեց Հալեպի «Գանձասար» թերթի գլխավոր խմբագիր Զարմիկ Պողիկյանը՝ հավելելով, որ բուն Լաթաքիա քաղաքում իրավիճակը համեմատաբար մեղմ է:
«Անվտանգության ուժեր են տարածված քաղաքում և խուզարկություններ, գործողություններ են իրականացնում վտանգավոր երևույթները կանխելու համար: Ընդհանրապես՝ քաղաքում մարդիկ զգուշություն են ցուցաբերում, տներից դուրս չեն գալիս: Նույնն է վիճակը Տարտուսում և Բանիասում, որտեղ հայեր քիչ կան, նրանցից ոմանք տեղափոխվել են Հալեպ՝ անվտանգության նկատառումներով: Լաթաքիայում հայերը համեմատաբար մեծաթիվ են, որոնք շարունակում են մնալ իրենց տներում, չեն համարձակվում դուրս գալ, քանի որ կրակոցներ են լսվում և լարված է վիճակը, սակայն քաղաքի կենտրոնում այսօր համեմատաբար ավելի հանգիստ է»,- ասաց նա:
Անդրադառնալով հայ համայնքում տիրող իրավիճակին՝ Պողիկյանը մանրամասնեց, որ երեկ՝ մարտի 8-ին, երկու հայ են զոհվել, ովքեր վերադառնում էին Լաթաքիա և կրակոցների հետևանքով սպանվել են։ Նրա խոսքով՝ ներկայում որոշակի մտահոգություններ կան՝ կապված սննդի, դեղորայքի հետ, քանի որ տեղաշարժը քաղաքում գրեթե կանգ է առել: Ժամանակ առ ժամանակ ընդհատվում է ջրամատակարարումը, բացակայում է էլեկտրամատակարարումը:
«Փակ են եկեղեցին, դպրոցները: Կրթության նախարարությունն այս երկու օրերին քաղաքում ընդհանրապես փակ է հայտարարել դպրոցներն ու համալսարանները, մինչև իրավիճակը կմեղմանա»,- հավելեց Պողիկյանը:
ԱՄՆ պետքարտուղար Մարկո Ռուբիոն մարտի 10-12-ը կայցելի Սաուդյան Արաբիա՝ Ջիդդա, որտեղ բանակցություններ կվարի Ուկրաինայի պատվիրակության հետ՝ ՝ Ռուսաստան-Ուկրաինա պատերազմին վերջ դնելու ԱՄՆ նախագահի նպատակն առաջ տանելու համար։
Այս մասին ասված է Պետդեպարտամենտի մամուլի ծառայության ղեկավար Թեմմի Բրյուսի տարածած հայտարարության մեջ։
«Ջիդդայում նա կհանդիպի նաև Սաուդյան Արաբիայի գահաժառանգ արքայազն Մուհամմեդ բեն Սալման Ալ Սաուդի հետ՝ քննարկելու տարածաշրջանում ընդհանուր շահերն առաջ տանելու և ԱՄՆ-Սաուդյան Արաբիա հարաբերությունների ամրապնդման ուղիները»,- ասված է հաղորդագրության մեջ:
Բացի այդ՝ Պետքարտուղար Ռուբիոն մարտի 12-ից 14-ը կմեկնի Կանադա՝ հանդիպելու G7-ի արտգործնախարարների հետ՝ առաջ մղելու նախագահ Թրամփի արտաքին քաղաքականության օրակարգը:
Քննարկումները կկենտրոնանան Մերձավոր Արևելքի և Եվրոպայի հակամարտությունների վրա, Աֆրիկայում և Հնդկա-Խաղաղօվկիանոսյան տարածաշրջանում համագործակցությանը, ինչպես նաև Արևմտյան կիսագնդում կայունությանը:
Ֆոտո
