«Երքաղլույս» ՓԲԸ-ից հայտնում են.
«Համախմբվելով Երկիր մոլորակը պահպանելու շուրջ և օգնելով կերտել ավելի կանաչ ապագա, «Երքաղլույս» ՓԲԸ-ն իր աջակցությունն է բերում ամենամյա «Երկրի ժամը» աշխարհի ամենամեծ բնապահպանական շարժմանը և դրանով պայմանավորված, սույն տարվա մարտի 22-ին ժամը 20:30-21:30 (1 ժամ տևողությամբ) անջատվելու է Երևան քաղաքի «Երքաղլույս» ՓԲԸ-ի իրավասության տակ գտնվող արտաքին լուսավորության ցանցը»:
Վարչապետ Նիկոլ Փաշինյանը հարցազրույց է տվել Հանրային հեռուստատեսությանը։ Այս մասին նա հայտնել է Ֆեյսբուքի իր էջում։
«Հարցազրույց եմ տվել Հանրային հեռուստատեսությանը»,– տեսանյութին կից՝ գրել է Փաշինյանը։
«Հայաստան-Իրան զարգացման հիմնադրամ»-ի հիմնադիր Փույա Հոսսեինին ֆեյսբուքյան իր էջում գրել է․
«Վերջերս Թուրքիայի արտգործնախարար Հաքան Ֆիդանը, դիմելով Իրանին, հեգնանքով հայտարարեց.
«Եթե չեք ուզում, որ քարեր նետեն ձեր պատուհանին, քարեր մի՛ նետեք ուրիշների պատուհանների վրա»։
Բայց կարծես թե նրանց «տունը» չափազանց փխրուն է։
Վերջին օրերին թուրքական իշխանությունները ձերբակալել են Ստամբուլի քաղաքապետ և Էրդողանի գլխավոր քաղաքական հակառակորդ Էքրեմ Իմամօղլուին՝ նրան մեղադրելով կոռուպցիայի և ահաբեկչական կազմակերպությունների հետ կապերի մեջ։
Քանի որ Իմամօղլուն իշխող կուսակցության գլխավոր մրցակիցն է առաջիկա ընտրություններում, այդ քայլը քաղաքական հետապնդումների լուրջ կասկածներ է առաջացրել։ Քաղաքապետի ձերբակալությունը Ստամբուլում զանգվածային բողոքի ցույցեր է առաջացրել, հազարավոր ցուցարարներ պահանջում են Էրդողանի հրաժարականը։
Հարկ է հիշեցնել, որ Թուրքիայում ձախողված ռազմական հեղաշրջման ժամանակ Իրանը առաջիններից մեկն էր, ով աջակցեց Էրդողանի կառավարությանը և օգնեց պահպանել կայունությունը երկրում:
Հաշվի առնելով վերջին իրադարձությունները՝ ակնհայտ է, որ Թուրքիան կանգնած է ներքին լուրջ մարտահրավերների առաջ։ Թերևս սա լավ պատճառ է, որ Անկարան վերանայի իր տարածաշրջանային և ներքին քաղաքականությունը, նախքան մյուսներին դիտողություններ անելը:
Եվ ինչպես ասում են՝ «Աստծո պատիժն անխուսափելի է»՝ յուրաքանչյուրը կստանա՝ ըստ իր գործերի»։
Գերմանիան 13 տարի փակելուց հետո մարտի 20–ին վերաբացել է իր դեսպանատունը Դամասկոսում: Այս մասին հայտնում է գերմանական Deutsche Welle–ն:
Սիրիայում քաղաքացիական պատերազմի պատճառով 2012 թ.–ին փակված դեսպանատունը պաշտոնապես վերաբացել է Գերմանիայի արտգործնախարար Աննալենա Բաերբոքը, որը Սիրիայի նախկին նախագահ Բաշար ալ Ասադի վարչակարգի տապալումից հետո արդեն երկրորդ անգամ է այցելել Սիրիա։
Նշվում է, որ Գերմանիայի՝ փոքրաթիվ դիվանագետներ կվերսկսեն իրենց գործունեությունը Դամասկոսում, սակայն հյուպատոսական աշխատանքները, օրինակ՝ վիզաների տրամադրումը, կշարունակվեն Բեյրութում:
Ներկայացնում ենք տարադրամի փոխարժեքները՝ ըստ rate.am-ի:
ԱՄՆ դոլարի առքի առավելագույն արժեքն է 389.50 դրամ, վաճառքի նվազագույն արժեքը՝ 393.5 դրամ:
Եվրոյի առքի առավելագույն արժեքն է 422 դրամ, վաճառքի նվազագույն արժեքը՝ 429 դրամ:
Ռուսական ռուբլու առքի առավելագույն արժեքն է 4.56 դրամ, վաճառքի նվազագույն արժեքը՝ 4.69 դրամ:
Հրապարակ» թերթը գրում է. «ՔՊ-ի արտաքին կապերի պատասխանատուն համատեղությամբ նաեւ ՀՀ աշխատանքի եւ սոցիալական հարցերի նախարարն է: Նա հաճախ է շրջագայում աշխարհով մեկ` թերեւս համատեղելով երկու գործառույթները եւ պետության հաշվին նաեւ ՔՊ-ի արտաքին կապերը զարգացնելով: Վերջերս Նարեկ Մկրտչյանը հյուրընկալվել է ԱՄՆ նախագահ Դոնալդ Թրամփի Մարա-Լագոյի առանձնատանը, որտեղից նա տեսանյութ է հրապարակել:
ԱՄՆ նախագահի այս նստավայրը Ֆլորիդայում ոչ պաշտոնական բանակցությունների ավանդական վայրն է, որտեղ հրավիրվելու եւ Թրամփի հետ ընթրիքի մասնակցելու համար ամերիկացի ձեռնարկատերերը սովորաբար մեծ գումարներ են վճարում` մինչեւ մի քանի միլիոն դոլար, որ բիզնես պրոյեկտներ առաջ մղեն, բարձր հովանավորություն ստանան, տարբեր հարցեր քննարկեն: Այսինքն, Մարա-Լագոյում «անվճար» հայտնվել անհնար է:
Մեր սոցապնախարարը, սակայն, ո՛չ Թրամփի հետ ընթրել է, ո՛չ էլ անգամ նրան տեսել, ուղղակի քայլել է այն տեղերով, որտեղ Թրամփի «ոտքն է կպել», բայց տելեգրամյան ալիքները գրում են, որ դա էլ անվճար չի եղել: Մենք հարց ուղղեցինք նախարարին, թե ինչ հանդիպում էր դա, ինչ նպատակով է նա մասնակցել, ով է վճարել ընթրիքի համար: «Որեւէ գումար չի վճարվել, հրավերը եղել է որպես արտաքին կապերի պատասխանատու, ավելի վաղ պրն Մկրտչյանը մասնակցել էր նաեւ ինաուգուրացիոն միջոցառումներին»:
Նկատի ունեն` ՔՊ արտաքին կապերը: Նախարարի անունից ներկայացրին նաեւ այցի նպատակը. «Ինչպես նախորդ տարիներին, այս տարի եւս ՄԱԿ-ի կանանց կարգավիճակի հանձնաժողովի 69-րդ նստաշրջանին մասնակցելն էր։ Նախարարը նստաշրջանի ընթացքում ունեցել է ոլորտային ելույթ, մասնակցել է նախարարական կլոր սեղանին, ունեցել է մի շարք հանդիպումներ»:
Առավել մանրամասն թերթի այսօրվա համարում
Ադրբեջանում 3,4 մագնիտուդ ուժգնությամբ երկրաշարժ է տեղի ունեցել։ Այս մասին հայտնել են Հանրապետական սեյսմոլոգիական ծառայության կենտրոնից, փոխանցում են ադրբեջանական լրատվականները։
Երկրաշարժը գրանցվել է տեղական ժամանակով ժամը 07:59-ին Աղսուի շրջանում։
Նշվում է, որ երկրաշարժը մակերեսին չի զգացվել։
Մարտի 21-ին` տեղական ժամանակով ժամը 05:03-ին (Գրինվիչի ժամանակով` ժամը 01։03-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.90⁰ և արևելյան երկայնության 44.27⁰ աշխարհագրական կոորդինատներով Հայաստան՝ Սպիտակ քաղաքից 8 կմ հյուսիս, օջախի 10 կմ խորությամբ 3․7 մագնիտուդով երկրաշարժ։ Հայտնում են ՀՀ ՆԳՆ-ից։
Էպիկենտրոնային գոտում ստորգետնյա ցնցման ուժգնությունը կազմել է 5 բալ:
Երկրաշարժը զգացվել է Լոռու մարզում՝ 4 բալ, Շիրակի մարզում՝ 3-4 բալ և Արագածոտնի մարզում՝ 2-3 բալ ուժգնությամբ։
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար։
ԱՄՆ նախագահ Դոնալդ Թրամփը կատարողական հրամանագիր է ստորագրել դաշնային Կրթության նախարարությունը լուծարելու մասին։ Հրամանագրով նախատեսվում է կրթության հետ կապված քաղաքականությունն ամբողջովին հանձնել նահանգներին և տեղական խորհուրդներին։ «Արմենպրես»-ի փոխանցմամբ՝ այս մասին հաղորդում է Reuters գործակալությունը։
«Մենք կրթությունը կվերադարձնենք այնտեղ, որտեղ դրա տեղն է, շատ պարզ», - ասել է Թրամփը Սպիտակ տան Արևելյան սենյակում հրամանագիրը ստորագրելու արարողությանը, որին ներկա են եղել նաև աշակերտներ՝ խորհրդանշական կերպով իրենք էլ ստորագրելով «հրամանագրեր»։
Մարտի 20-ին ստորագրված հրամանագիրն առաջին քայլն է նախարարությունը ցրելու ուղղությամբ։ Հարցը դեռ պետք է քվեարկության դրվի Կոնգրեսում, իսկ ըստ Reuters-ի՝ այնտեղ այս նախագիծն անցկացնելու համար դեռ մի քանի ձայնի պակաս կա։
Սպիտակ տունը պնդում է, որ Կրթության նախարարությունը գումարի կորուստ է, և որ գերատեսչությունում արված տրիլիոնավոր դոլարի ներդրումներն իրենց չեն արդարացրել։
Նախարարությունը վերահսկում է ԱՄՆ-ում շուրջ 100 000 հանրային դպրոց և 34 000 մասնավոր դպրոց՝ չնայած հանրային դպրոցների ֆինանսավորման ավելի քան 85%-ը կատարվում է նահանգային և տեղական կառավարությունների կողմից։ Գերատեսչությունը դաշնային դրամաշնորհներ է դրամադրում կարիքավոր դպրոցներին, ֆինանսավորում ծրագրեր՝ վճարելու հատուկ կարիքներ ունեցող երեխաների հետ աշխատող ուսուցիչներին, փոխարինելու հնացած ենթակառուցվածքը։ Բացի այդ, Կրթության նախարարությունը վերահսկում է 1,6 տրիլիոն դոլարի ուսանողական վարկերը։
Առայժմ Թրամփի հրամանի նպատակն է կրճատել նախարարության կազմն այնքան, որ այն կատարի միայն վարկերը կառավարելու, ցածր եկամուտ ունեցող ուսանողներին քոլեջ այցելելու համար դրամաշնորհներ տրամադրելու, հատուկ կարիքներ ունեցող երեխաների հետ աշխատելու ռեսուրսներ տրամադրելու գործառույթները։
Ֆոտո
