Աննա Հակոբյանի գրառումը․

«Վերջին օրերին հետևում էինք սոցիալական մեդիայում ձեր գրառումներին։ Չե՞ք կարծում, որ ատելության խոսքը, առանց այդ էլ, շատ տարածված է, և այդ ամենին նման հայհոյախառը  վիրավորանքներով պատասխանելով` շատ պայթյունավտանգ վիճակ եք ստեղծում (…) որքանո՞վ են դրանք համադրվում «Կրթվելը նորաձև է» շարժմանը»:
Վանաձորում Կրթվելը նորաձեւ է բանախոսության ժամանակ  այսպիսի հարց ուղղեց լրագրող Կարինե Սիմոնյանը։
Լավ հարցեր է, իհարկե, որն առաջին իսկ պահից  ինձ ուղղվում է նույնիսկ որպես հորդոր.  

Դուք մնացեք ձեր բարձունքում, մի ցածրացեք, մի իջեք այդ մակարդակին, որպես երկրի ղեկավարի տիկին օրինակ ծառայեք, նպաստեք մթնոլորտի առողջացմանը, ատելության խոսքը մեր միջավայրում արմատախիլ անելուն եւ այլն եւ այլն։

Սիրելիներս, 

Անցած ողջ պրոցեսը Կրթվելը նորաձեւ է շարժման մի մասն էր եւ հետապնդում էր հենց ձեր իսկ նշած նպատակները՝ վերջ դնել հանրային խոսքի անթույլատրելի ցածր դրսեւորումներին, ատելության խոսքին, բռնության խոսքին, սեքսիստական խոսքին, կանանց թիրախավորմանը։ 

Ինչո՞ւ ընտրեցի այդ ճանապարհը։ Արդյո՞ք նյարդերս տեղի տվեցին, չարացա՞, կամ որեւէ այլ բա՞ն կատարվեց։ Իհարկե՝ ոչ։ Պարզապես ժամանակը ցույց տվեց, որ այլ ճանապարհ չկա։ Այդ նպատակին հնարավոր չեղավ հասնել ո’չ բարձրում մնալով, ո’չ օրինակ ծառայելով, ո’չ մեղմ ձեւակերպումներով, ո’չ կոչերով։ 

Պարզվեց, որ մեր միջավայրը ապականող մարդիկ մեր պատկերացրածից շատ ավելի ներքեւում են գտնվում, անքան ցածրում,  որ իմ ձայնը նրանց չէր հասնում՝ լսելի չէր, իմ օրինակը նրանց չէր հասնում՝ տեսանելի չէր։ Ստիպված էի իջնել, իջնել, իջնել,  այնքան իջնել, մինչեւ հասնեի նրանց, զուտ միայն նրա համար, որ ձայնս լսեին։ Ստացվե՞ց դա ինձ մոտ։ Իհարկե ստացվեց։ Լսեցի՞ն։ Իհարկե լսեցին։

Ես ո’չ միայն ձայնս հասանելի դարձրեցի։ Ես իմ ձե’ռքն եմ մեկնում նրանց,  որպեսզի օգնեմ վերեւ բարձրանալ։ Եթե չուզեն, նախընտրեն ցածում մնալ, իրենց իրավունքն է, ոչինչ չենք կարող անել, ընտրությունն իրենցն է։ 

Բայց… Պետք է լուռ մնան։ Շը՛շշշշ։ 

Իսկ եթե նրանց համար կարեւոր է չլռելը, իրենց տեսակետն ու մոտեցումներն արտահայտելը, ընդդիմադիր լինելը, շատ ավելի ողջունելի։ 

Միայն թե մեր միջավայրում խոսելու համար պետք է կրթվել։ 
Պետք է բարձրանալ հատակից»։

«Հրապարակ» թերթը գրում է․  «Արդարադատության նախարարության պետական ռեգիստրում օրերս մերժել են պետական գրանցում տալ ՔՊ-ից պոկված Հովիկ Աղազարյանի եւ Հակոբ Ասլանյանի հիմնած նոր կուսակցությանը՝ ՄԱՍԿ անվանումով։ Մերժման հիմքում դրել են տեխնիկական վրիպակները, նախարարությունը չափից դուրս բծախնդիր մոտեցում է ցուցաբերել ներկայացված փաթեթին, ինչը, հավանաբար, վերեւից է հրահանգված եղել:

Հովիկ Աղազարյանը երեկ մեզ հետ զրույցում չբացառեց, որ հնարավոր է` նոր համաժողով հրավիրեն, որպեսզի վերացնեն թերությունները եւ նոր փաթեթ ներկայացնեն Պետռեգիստր։ Թե խոսքն ինչ տեխնիկական վրիպակների մասին է, նա չմանրամասնեց»:

«Ժողովուրդ» օրաթերթը գրում է. «Երեկ՝ կեսօրին, անակնկալ կերպով աշխատանքից ազատման դիմում ներկայացրեց ՀՀ ներքին գործերի նախարարության ոստիկանության պետ Արամ Հովհաննիսյանը։ Նրա պաշտոնանկությունը, որքան էլ մի կողմից սպասելի էր ոլորտին ներսից տեղեկացվածների համար, մյուս կողմից նույնքան անսպասելի էր լայն հանրության համար։

«Ժողովուրդ» օրաթերթին հայտնի են դարձել այս զարգացումների մի շարք բացառիկ մանրամասներ։ Մասնավորապես, ըստ մեր աղբյուրների, Հովհաննիսյանի հեռանալը ոստիկանապետի պաշտոնից պայմանավորված է ներքին անհամաձայնություններով, որոնք առնչվում են ներքին գործերի նորանշանակ նախարար Արփինե Սարգսյանի հետ ունեցած լարված հարաբերություններին։ Երկու պաշտոնյաների համագործակցությունը երբեք չի եղել ներդաշնակ, սակայն, ինչպես երեւում է, վերջերս այդ լարվածությունը հասել է իր գագաթնակետին։

Նախկին եւ ներկա սերունդների միջեւ վերջին լուրջ բախումը տեղի է ունեցել Ռուսաստանի արտգործնախարար Սերգեյ Լավրովի՝ Հայաստան կատարած այցից հետո։ Այդ օրերին մի խումբ քաղաքական եւ քաղաքացիական ակտիվիստներ փորձել էին բողոքի ակցիա անցկացնել արտաքին գործերի նախարարության շենքի առջեւ 

Ոստիկանության արձագանքը, ըստ իրավապաշտպանների եւ դիտորդների, եղել է անհամաչափ, ուղեկցված ուժի կիրառմամբ։ Նույն այդ միջադեպի վերաբերյալ ծառայողական քննարկումը վերածվել է լարված վիճաբանության Արփինե Սարգսյանի եւ Արամ Հովհաննիսյանի միջեւ, որի ընթացքում հնչել են փոխադարձ վիրավորանքներ։ Այդ դեպքը դարձել է վճռական Հովհաննիսյանի համար։

Ով է նոր ոստիկանապետը

Արամ Հովհաննիսյանին փոխարինելու է Արամ Ղազարյանը։ «Ժողովուրդ» օրաթերթի աղբյուրների փոխանցմամբ՝ Ղազարյանը ՀՀ վարչապետ Նիկոլ Փաշինյանի վստահությունը վայելող պաշտոնյա է։ Ի տարբերություն Հովհաննիսյանի՝ նա վարչապետի հետ ուղիղ կապի հնարավորություն ունի»։

Մանրամասները՝ «Ժողովուրդ» օրաթերթի այսօրվա համարում:

Ռուսական պետական ТАСС գործակալությունը բացահայտել է ռուսական զինադադարի հուշագրի ամբողջական բովանդակությունը, որը ներկայացվել է հունիսի 2-ին Ստամբուլում կայացած բանակցություններում։

Ռուսաստանի կողմից հրադադարի երկու տարբերակ է առաջարկվել՝

Առաջինը ենթադրում է ուկրաինական ուժերի դուրսբերում Դոնբասից, ինչպես նաև Զապորոժիեի և Խերսոնի շրջանների տարածքներից: Նրանք պետք է դուրս բերվեն ռուսական սահմաններից կողմերի համաձայնեցված հեռավորության վրա։ 

Երկրորդը (կոչվում է «փաթեթային առաջարկ») նախատեսում է զորքերի վերատեղակայման արգելք, մոբիլիզացիայի և Կիևին օտարերկրյա ռազմական օգնության մատակարարման դադարեցում, զորացրման սկիզբ և երրորդ երկրների ռազմական ներկայության բացառում։ Պետք է երաշխավորված լինի նաև Ուկրաինայի հրաժարումը Ռուսաստանի և նրա քաղաքացիների դեմ ուղղված «դիվերսիոն և քայքայիչ գործողություններից»։

Բացի այդ, պետք է ստեղծվի հրադադարի ռեժիմի մշտադիտարկման և վերահսկողության երկկողմ կենտրոն։ Կողմերը պետք է իրականացնեն «քաղբանտարկյալների» փոխադարձ համաներում և ազատ արձակեն կալանավորված քաղաքացիական անձանց։ Բացի այդ, Ուկրաինայում պետք է հանվի ռազմական դրությունը, իսկ իշխանությունները պետք է նշանակեն Գերագույն Ռադայի նախագահի ու պատգամավորների ընտրությունների ժամկետները։ Ընտրությունները պետք է անցկացվեն ռազմական դրությունը վերացնելուց ոչ ուշ, քան 100 օր հետո։

Հուշագրի մյուս դրույթները սահմանում են՝

Ուկրաինայի չեզոքությունը և ռազմական դաշինքներին միանալու նրա հրաժարումը, այլ պետությունների կողմից Ուկրաինայի տարածքում ռազմական գործունեության արգելք, երկրի ոչ միջուկային կարգավիճակի ա և Ուկրաինայի զինված ուժերում առավելագույն թվով զորքերի ամրագրում, Ռուսաստանի դեմ պատժամիջոցների վերացում և մի շարք այլ կետեր: 

ՀՀ ՇՄ նախարարությունը հայտարարությամբ է հանդես եկել, որում ասված է․

«Վերջին շրջանում նկատելի է օձերի հանդեպ չհիմնավորված վախի և ագրեսիայի աճ, ինչը հանգեցնում է բնության այս կարևոր օղակի ոչնչացմանը։ Համացանցում հաճախակի են դառնում դեպքերը, երբ օձերին վնասում են կամ առանց մասնագիտական միջամտության փորձում «վնասազերծել»՝ լրջորեն վտանգելով և՛ իրենց, և՛ կենդանիների կյանքը։

Ցանկանում ենք հիշեցնել, որ օձերը մեր էկոհամակարգի անբաժան մասն են։ Նրանք ոչ միայն վտանգավոր չեն, այլև օգտակար են՝ կատարելով կարևոր գործառույթ՝ վերահսկելով վնասատու միջատների, մկների և այլ փոքր կենդանիների պոպուլյացիան։

Բոլոր օձերը վտանգավոր չեն, իսկ Հայաստանի տարածքում ապրող տեսակներից միայն մի քանիսն են թունավոր։ Շատ հաճախ մարդիկ առանց տարբերելու՝ սպանում են բոլոր տեսակի օձերին։

Հորդորում ենք՝

Եթե հանդիպել եք օձի՝ մի փորձեք սպանել կամ բռնել նրան,

Զանգահարեք Արտակարգ իրավիճակների նախարարություն կամ բնապահպանական կառույց,

Սովորեցրեք երեխաներին խուճապի չմատնվել՝ օձի ներկայության դեպքում,

Համացանցում մի տարածեք օձերի նկատմամբ դաժան վերաբերմունքի տեսանյութեր կամ լուսանկարներ, դա խրախուսում է սխալ վերաբերմունք։

Պաշտպանելով օձերին՝ մենք պաշտպանում ենք նաև բնության հավասարակշռությունը»։

ԱՄՆ նախագահ Դոնալդ Թրամփը բաց է Ռուսաստանի առաջնորդ Վլադիմիր Պուտինի և Վլադիմիր Զելենսկու հետ հնարավոր հանդիպման համար, սակայն նախընտրում է տեսնել Մոսկվայի և Կիևի միջև խաղաղության երկկողմ բանակցությունները։ 

Այս մասին լրագրողներին հայտնել է Սպիտակ տան մամուլի քարտուղար Քերոլայն Լևիթը։

«ԱՄՆ նախագահն ասել է, որ բաց է դրա համար, եթե բանը հասնի դրան», - ասել է Սպիտակ տան խոսնակը՝ պատասխանելով հարցին, թե արդյոք Թրամփը պատրաստ է եռակողմ բանակցությունների Պուտինի և Զելենսկու հետ Թուրքիայում։ «Բայց նա ցանկանում է, որ այս երկու առաջնորդները, երկու կողմերն էլ միասին նստեն բանակցությունների սեղանի շուրջ շուրջ»:

«Եվ մենք տեսանք, որ նրանք դա արեցին այսօր նախագահ Թրամփի կոչով», - ասել է Լևիթը:

Նա հրաժարվել է գնահատական ​​տալ Ստամբուլում ռուս-ուկրաինական ուղիղ բանակցությունների ընթացիկ փուլին՝ ասելով, որ Թրամփը դա կանի ավելի ուշ։

Ուկրաինայի նախագահ Վլադիմիր Զելենսկին պատասխանել է Ռուսաստանի առաջարկին, որը ենթադրում է ռազմական գործողությունների դադարեցում ռազմաճակատի որոշ հատվածներում, որպեսզի կողմերը կարողանան հավաքել իրենց զինվորների մարմինները։

Զելենսկին նշել է, որ Ուկրաինան չի փոխել հրադադարի հարցի օրակարգը։ Խոսքը անվերապահ հրադադարի, գերիների փոխանակման ու երեխաների ու խաղաղ բնակիչների վերադարձի մասին է։

Միաժամանակ, ինչպես նշել է Ուկրաինայի նախագահը, ռուսները դեռևս չեն տեսնում հրադադարի հնարավորություն։

«Ինչպես ասացին «հրադադարի» մասին՝ պատրաստ են երկու-երեք օրով «հրադադարի»՝ մարտի դաշտից մահացածներին հավաքելու համար։ Կարծում եմ՝ հիմարներ են, որովհետև «հրադադարն» նրա համար է, որ զոհեր չլինեն։ Այսինքն՝ տեսնում եք տրամադրությունը՝ իրենց համար սա պատերազմի կարճատև դադարի հարց է։

Զելենսկին ընդգծել է, որ իրոք ցանկանում է, որ ամերիկացի գործընկերները «ուժեղ քայլերով պատժամիջոցների փաթեթ ուղարկեն Սենատ, իսկ «ռուսներին» մղեն հրադադարի խիստ պատժամիջոցներով»։

«Նրանք դա դեռ այլ կերպ չեն հասկանում: Եվ մենք կարծում ենք, որ դա արդարացի է: Ի վերջո, արդեն հինգ ամիս է, ինչ Ամերիկայի Միացյալ Նահանգները տվել է իր ազդանշանը ամբողջական հրադադարի վերաբերյալ, և մենք աջակցել ենք նրանց», - հավելել է Զելենսկին:

Եվրասիական տնտեսական միության (ԵԱՏՄ) և Հնդկաստանի միջև ազատ առևտրի գոտու համաձայնագրի կնքման շուրջ բանակցությունները կարող են ակտիվ փուլ մտնել 2025 թվականին։ Ըստ ТАСС-ի՝ հայտնել է Հնդկաստանում Ռուսաստանի առևտրային ներկայացուցիչ Անդրեյ Սոբոլևը։

«Ակնկալում ենք, որ բանակցություններն այս տարի ակտիվ փուլ կմտնեն։ Աշխատանքներ են տարվում նաև ներդրումների փոխադարձ պաշտպանության մասին համաձայնագրի վրա», -նշել է առևտրային ներկայացուցիչը։

Հնդկաստանում Ռուսաստանի դեսպանատան նախարար-խորհրդական Ռոման Բաբուշկինը հայտարարել է, որ այսօր Հնդկաստանի և ԵԱՏՄ-ի միջև ազատ առևտրի համաձայնագիրը անհրաժեշտություն է դարձել։ «Դրա ստեղծմամբ շատ խոչընդոտներ կվերացվեն, և փոխադարձ մուտքը շուկաներ զգալիորեն կընդլայնվի», -նշել է նա՝ ընդգծելով, որ ազատ առևտրի համաձայնագիրը «ևս մեկ շրջադարձային կետ և առևտրատնտեսական համագործակցության շրջադարձային կետ» կդառնա։

Այսօր՝ հունիսի 2-ին, կրակոցներ են հնչել Երևանում։ Ժամը 20:10-ի սահմաններում Ներքին գործերի նախարարության Ոստիկանության քրեական ոստիկանության գլխավոր վարչությունում, Երևանի քրեական վարչությունում և ՀՀ ՆԳՆ Ոստիկանության համայնքային ոստիկանության գլխավոր վարչության Շենգավիթի բաժնում օպերատիվ տեղեկություններ են ստացվել, որ Մանանդյան 29 շենքի բակում կրակոցներ են հնչել։

Ինչպես հայտնում է Shamshyan.com-ը, քրեական և համայնքային ոստիկանները նշված շենքի փողոցային հատվածում հայտնաբերել են 2 չկրակված, մոտ 5 կրակված պարկուճներ, կրակված պարկուճի գնդակ և արնանման հետքեր։

Տեղում պարզվել է, որ 2 հոգի հրազենային վնասվածքներով տեղափոխվել են «Էրեբունի» բժշկական կենտրոն։

Այս պահին ոստիկաններն ու պարեկները պարզում են վիրավորների ինքնությունը։