Փետրվարի 11
Ճանապարհը, իրոք, դժվարին է, այն դժվարին է նաև ձեզ համար: Կյանքում չկա ավելի դժվար բան, քան սպասելը, այնուհանդերձ, ասում եմ ձեզ՝ սպասեք: Սպասեք, մինչև որ Իմ Կամքը հայտնեմ ձեզ: Ձեր երկուսին դժվար ու մեծ գործեր տալը ապացույցն է Իմ Սիրո ու Վստահության և Իմ աշակերտները լինելու: Ուստի կրկնում եմ՝ սպասեք: Շարժվելը շատ ավելի դյուրին է, քան սպասելը: Այս է պատճառը, որ Իմ հետևորդներից շատերը ձախողել են իրենց ձեռնարկած գործերը և իրենց ակտիվ գործունեությամբ պարզապես արգելք են եղել Իմ Թագավորության գալուն:
Սպասեք, չափից ավելի չեմ պրկի ձեր հոգու ուժը: Դուք երկուսդ շատ եք նման նրանց, ովքեր հայտնվելով օվկիանոսում՝ անօգնական քշվում ու տարուբերվում են լաստանավի վրա: Բայց ահա, ջրերի վրա քայլելով՝ ձեզ է գալիս Մեկը՝ նման Մարդու Որդուն: Երբ Նա հասնի ձեզ, և դուք լաստանավի վրա կվերցնեք Նրան, ձեզ հետ էլ կպատահի այն, ինչ աշակերտների հետ պատահեց: Եվ դուք էլ շուտով կհասնեք այնտեղ, ուր կամենում էիք:
Ճամփորդությունը նման բարեհաջող ավարտի չէին կարողանա հասցնել ոչ ձեր տանջալի թիավարումը, ոչ էլ՝ գործի դրված ձեր ավյունն ու ջանքը: Ասում Եմ դարձյալ՝ սպասեք ու վստահեք: Սպասեք, մի վախեցեք:
0Comments