Բրիտանական Daily Mail պարբերականը ներկայացրել է լուսանկարիչ Սքոթ Սթալբերգի ուշագրավ ֆոտոշարքը, որն արվել է Ֆրանսիայի հարավում`Կամարգի շրջանում, և ցույց է տալիս վայրի ձիերի անարգել վարգը:
Լուսանկարներում ազատության մեջ ծնված սպիտակ ձիերը սրընթաց անցնում են Սեն Մարի դե Լա Մեր քաղաքից ոչ հեռու գտնվող լճով, մինչդեռ հետին ֆոնին երևում են մայր մտնող արևի ոսկեզօծ շողերը:
Տասներկու ձիերի սմբակների տակից վեր են ցայտում ջրի հազարավոր կաթիլներ, որոնք հավելյալ գեղեցկություն են հաղորդում լուսանկարներին:
«Դա պարզապես կախարդական տեսարան էր»,-պատմել է լուսանկարիչը:
Աղբյուրը մանրամասնում է, որ լճերով և ճահիճներով հարուստ Կամարգի շրջանում ձիերն ապրում են կիսավայրի պայմաններում:
0Comments