Պայթյուն է որոտացել Գերմանիայի պաշտպանական ձեռնարկությունում

Գերմանիայում պայթյուն է որոտացել Diehl Defence պաշտպանական ձեռնարկության տարածքում, որը IRIS-Т հակաօդային պաշտպանության համակարգեր է արտադրում Ուկրաինայի համար: «Արմենպրես»-ի փոխանցմամբ՝ այս մասին գրում է գերմանական Bild թերթը։

«Այսօր առավոտյան ուժգին պայթյուն է տեղի ունեցել Տրոյսդորֆի Diehl Defense ձեռնարկությունում։ Երկու մարդ լուրջ վնասվածքներ է ստացել։

Գործի են դրվել փրկարարական ուղղաթիռներ, ոստիկանությունը և հրշեջ բրիգադներ», - տեղեկացնում է հրատարակությունը։