Եվրոպան առաջարկում է Ուկրաինայում հակամարտությունը շարունակել ևս մեկ տարի՝ Ռուսաստանը թուլացնելու հույսով: Այս մասին CNN -ին տված հարցազրույցում հայտարարել է ԱՄՆ պետքարտուղար Մարկո Ռուբիոն:
«Ես մարդկանց հարցնում էի՝ ո՞րն է պատերազմը ավարտելու եվրոպական ծրագիրը։ Ես կարող եմ ձեզ ասել, թե ինչ է ինձ ասել մի օտարերկրյա նախարար: Ես չեմ պատրաստվում ասել, թե նա ով էր, բայց կարող եմ ասել, որ նրանցից մեկն ինձ ասաց, որ պատերազմը շարունակվում է ևս մեկ տարի, մինչև այն կետը, երբ Ռուսաստանն իրեն այնքան թուլացած կլինի, որ խաղաղություն կխնդրի»,- ասել է նա:
Ռուբիոն ընդգծել է, որ, ԱՄՆ-ի կարծիքով, նման ծրագիրն անիրատեսական է և կարող է հանգեցնել ավելի մեծ ավերածությունների և զոհերի:
ԱՄՆ պետքարտուղարը նաև մեկնաբանել է եվրադիվանագիտության ղեկավար Կայա Կալասի հայտարարությունը, որը Սպիտակ տանը սկանդալից հետո աջակցել է Զելենսկուն և պնդել, որ «ազատ աշխարհին նոր առաջնորդ է պետք, որի դերը պետք է ստանձեն եվրոպացիները»:
«Այդ մարդիկ հիմար խաղեր են խաղում և նման հայտարարություններ անում։ Ի՞նչ ծրագիր ունեն [հակամարտությունը] ավարտելու համար: Միակ մարդը, ով իրատեսորեն փորձում է վերջ դնել այս հակամարտությանը, Միացյալ Նահանգների նախագահ Դոնալդ Թրամփն է», - ասել է նա։
Ավելի վաղ Իտալիայի վարչապետ Ջորջ Մելոնին կոչ էր արել արտահերթ գագաթնաժողով անցկացնել Եվրոպայի, ԱՄՆ-ի և Ուկրաինայի միջև՝ Սպիտակ տանը Վլադիմիր Զելենսկու և ԱՄՆ նախագահ Դոնալդ Թրամփի միջև տեղի ունեցած վեճից հետո:
Հաղորդվում է նաև, որ Լեհաստանը պատրաստակամություն է հայտնել օգնել Ուկրաինայում զորքերի տեղակայման լոգիստիկայի հարցում:
0Comments