ԱՄՆ նախագահ Դոնալդ Թրամփի և Ուկրաինայի նախագահ Վլադիմիր Զելենսկու միջև Օվալաձև աշխատասենյակի վիճաբանությունից հետո Անկարայում Ուկրաինայի դեսպանատունը սոցիալական ցանցերում հրապարակել է լուսանկար, որտեղ Զելենսկին Թուրքիայի նախագահ Ռեջեփ Թայիփ Էրդողանի հետ է՝ Անկարա կատարած այցի ժամանակ:
Դիվանագիտական առաքելության էջը հրապարակել է լուսանկար, որը ֆիքսել է փետրվարի 18-ին Բեշթեփե նստավայրում երկու առաջնորդների հանդիպման պահը։ Լուսանկարում երևում է, որ թուրք առաջնորդն անձրեւի տակ հովանոց է պահել՝ ապաստանելով հյուրին՝ նախագահ Զելենսկուն։
Հրապարակումը որևէ հայտարարություն կամ մեկնաբանություն չի պարունակում։ Հատկանշական է, որ դա տեղի է ունեցել ԱՄՆ նախագահ Դոնալդ Թրամփի և Ուկրաինայի նախագահ Վլադիմիր Զելենսկու լարված բանակցություններից անմիջապես հետո, որը ուղիղ հեռարձակվել է Օվալաձև աշխատասենյակից:
«Հրապարակ օրաթերթ»
0Comments