Apple-ի վաճառքի նախկին տնօրեն Թայլեր Մորգանը նախազգուշացրել է iPhone-ի օգտատերերին, որ iOS 18 օպերացիոն համակարգի նոր թարմացումները կարող են դանդաղեցնել իրենց սարքերը: Այս մասին հայտնում են news.am-ը և iDropNews պորտալը։
Apple-ը ներկայացնում է iOS 18-ը որպես արհեստական բանականության հնարավորություններով առաջադեմ ծրագրակազմ, սակայն Մորգանն ասում է, որ ՕՀ-ը նախատեսված չէ ավելի քան երեք տարի առաջ թողարկված iPhone մոդելների համար, ինչպիսիք են iPhone 13-ը, iPhone 12-ը և iPhone 11-ը:
Իր TikTok տեսանյութում Մորգանը բացատրել է, որ հին սարքերում iOS 18-ի տեղադրումը կարող է հանգեցնել ավելի դանդաղ աշխատանքի: Նրա խոսքով, թեև դանդաղումը կարող է անմիջապես նկատելի չլինել, այն նկատելի կդառնա ժամանակի ընթացքում։ Մորգանն ընդգծել է, որ նոր iOS-ը նախատեսված է աշխատելու վերջին մոդելների հետ, ինչպիսիք են iPhone 16-ը և iPhone 15 Pro-ն, իսկ ավելի հին սարքերում դրա օգտագործումը կարող է հանգեցնել մարտկոցի արագ քայքայման և ընդհանուր կատարողականության նվազմանը:
Մորգանը iPhone-ի հին մոդելների սեփականատերերին, ովքեր չեն ցանկանում ստանալ վերջին հնարավորությունները, խորհուրդ է տվել չշտապել ներբեռնել iOS 18-ը, հատկապես եթե իրենց սարքերը կայուն աշխատում են:
0Comments