Պայթյուններ Սանայի զենքի պահեստներում

Եմենի մայրաքաղաք Սանայում երկու պայթյուն է որոտացել հրթիռների ու այլ զինատեսակներով լի պահեստներում, այս մասին տեղեկացնում է Al Arabiya-ն:
Նշվում է, որ առաջին պայթյունը տեղի է ունեցել հատուկ գործողության ընթացքում: Պահեստը գտնվում էր քաղաքի հարավում: Երկրորդ պայթյունը տեղի է ունեցել Սանայի հարավային մեկ այլ թաղամասում՝ Yemen Petroleum Company ընկերության շենքի դիմաց:
Զոհերի մասին տեղեկություններ չեն հաղորդվում:
Հիշեցնենք, որ Եմենում զինված հակամարտությունը շարունակվում է 2014 թվականի մարտից: Եմենի նախագահ Աբդ Ռաբու Մանսուր Հադիի զորքերը դիմակայում են հուսիթ ապստամբներին:
Տվյալների համաձայն կառավարական ուժերի և հուսիթ ապստամբների միջև հակամարտության հետևանքով 2015 թվականից ի վեր 2200 երեխա է մահացել, ևս 3400-ը վիրավորվել են: