Աշխարհի կաթոլիկները, բողոքականները և ուղղափառ եկեղեցիների մեծ մասը տոնում են քրիստոնեական գլխավոր տոներից մեկը` Սուրբ Ծնունդը։
Կեսգիշերային պատարագով Վատիկանում ազդարարվել է Սուրբծննդյան տոների մեկնարկը:
Հռոմի Ֆրանցիսկոս պապը, ավանդույթի համաձայն, պատարագ է մատուցել Սուրբ Պետրոսի տաճարում:
Հռոմի Ֆրանցիսկոս պապը հազարավոր հավատացյալների առջև աղոթք է հղել առ Աստված՝ կաթոլիկ աշխարհի համար ավետելով Փրկչի Սուրբ Ծնունդը: Կեսգիշերային պատարագին թե´ Սուրբ Պետրոսի տաճարում, թե´ հրապարակում հազարավոր հավատացյալներ են հետևել Պապի խոսքին: Իսկ նա ասել է, որ Աստված միշտ սիրում է բոլորին.
«Դուք կարող եք մոլորվել, կարող եք արմատապես սխալվել, սակայն Աստված շարունակում է սիրել»:
Օրվա խորհրդին համահունչ են տոնակատարությունները, տոնական երգերի կատարումները, եկեղեցիներում, քաղաքների, փոքրիկ ավանների ու գյուղերի հրապարակներում, Բեթղեհեմի մսուրը պատկերող նկարներ և արձանիկներ տեղադրելը։ Սուրբ ծնունդի անբաժան մասն են տոնավաճառները, որտեղ անպայման ներկա են նվագախմբեր։
0Comments