Հարավային Լիբանանի Հասբայայի հյուրատներում բնակվող առնվազն երեք մարդ է սպանվել ուրբաթ գիշեր Իսրայելի օդային հարձակման հետևանքով, հայտնել են Լիբանանի առողջապահության նախարարությունից և տեղական լրատվամիջոցները:
Ըստ «Ամերիկայի ձայն»-ի՝ մի քանի մարդ էլ վիրավորվել է։
Զոհվել են իրանամետ Al-Mayadeen գործակալության օպերատոր Ղասան Նաջարը և ինժեներ Մուհամեդ Ռեդան, ինչպես նաև «Հըզբոլլահ»-ին պատկանող Al-Manar հեռուստաալիքում աշխատող օպերատոր Վիսամ Քասեմը:
Ըստ Reuters-ի՝ ուրբաթը եղել է լրատվամիջոցների աշխատակիցների շրջանում ամենաշատ զոհեր ունեցող օրը՝ իսրայելական զինվորականների և լիբանանյան «Հըզբոլլահ»-ի միջև ընթացող մարտերի մեկ տարվա ընթացքում:
Իսրայելը դեռևս չի մեկնաբանել միջադեպը, սակայն, ընդհանուր առմամբ, հերքում է լրագրողներին միտումնավոր թիրախավորումը:
0Comments