Ինչո՞ւ են հանրահայտ մարդիկ հրաժարվում սեքսից. ցելիբատի առավելություններն ու թերությունները

Կուսակրոնությունը՝ ցելիբատը, ինքնակամ հրաժարումն է սեքսից, այն տարածում է գտնում շնորհիվ այնպիսի հանրահայտ անձանց, ինչպիսին են Ջուլիա Ֆոքսը եւ Լենի Կրավիցը։ Որո՞նք են դրա առավելություններն ու թերությունները։

Սեքսի գծով փորձագետ Քրիստին Ռեյֆի խոսքով՝ ցելիբատի շրջանները նորմալ արձագանք են կյանքի անթիվ փոփոխություններին։ «Հավանական է, որ դուք տատանումներ եւ փոփոխություններ կզգաք ձեր ցանկություններում, գրգռումներում եւ բավարարվածության մեջ ողջ կյանքի ընթացքում, եւ դա կարող է տեղի ունենալ ամեն շաբաթ, ամեն ամիս կամ կյանքի տարբեր փուլերում, ներառյալ սեռահասունությունը, հարաբերությունների դինամիկան, դաշտանադադարը, տարիքը եւ այլն»։

Ցելիբատի պատճառները նույնքան լայն են, որքան եւ դրա տերմինները։ Դրանք կարող են տատանվել կրոնական ծեսերից մինչեւ անձնային զարգացում, վնասվածքներից ապաքինում, կենտրոնացում կարիերայի նպատակների վրա։

Լենի Կրավիցը սեքսից ձեռնպահ է մնում «հոգեւոր պատճառներով եւ լուրջ հարաբերություններ չի ունեցել արդեն ինը տարի։ Երգիչը մինչ այդ խոսել է 2008 թ-ին ցելիբատի որոշում կայացնելու մասին։ «Դա պարզապես խոստում է, որ ես տվեցի, քանի դեռ չեմ ամուսնացել»,-ասել է նա Maxim պարբերականին։

Դերասանուհի Ջուլիա Ֆոքսը այս գարնանը պատմել է, որ հետեւում է ցելիբատին արդեն ավելի քան երկու տարի եւ «երբեք իրեն ավելի լավ չի զգացել»։ Նա կանանց հավաստիացրել է, որ սեքսից ձեռնպահ մնալը կարող է օգնել նրանց սովորել «ավելի հարմարավետ զգալ միայնության մեջ»։

Թեեւ սեքսից ձեռնպահ մնալը եւ ցելիբատը երբեմն օգտագործվում են որպես սեքսի բացակայության հոմանիշ, դրանք նկատելիորեն տարբերվում են։ Ձեռնպահ մնալը սովորաբար վերաբերում է սեքսով չզբաղվելու ընտրությանը որոշակի ժամանակի ընթացքում, այսինքն՝ մինչեւ ամուսնությունը։ Ցելիբատը, հակառակը, խոստում է հրաժարվել սեքսից ավելի երկարատեւ ընթացի համար։

Ցելիբատն ունի որոշակի առավելություններ.

Սեռական ճանապարհով փոխանցվող սեռավարակների զգալի կրճատում

Չկա անցանկալի հղիության վտանգ

Ծախսերի կրճատում հակաբեղնավորիչների վրա

Հորմոնալ հակաբեմնավորիչների ընդունման հետ կապված ռիսկի նվազում

Զուգընկերոջը սեքսուալ ակտիվությունից դուրս ճանաչելու հնարավորություն

Կարող է օգնել ձեզ ավելի խոր հասկանալ ֆիզիկական եւ հուզական տարվածության տարբերությունը։

Սակայն կան որոշ թերություններ․

Մեկուսացման զգացողություն

Կյանքի տեւողության կրճատում. Journal of Psychosexual Health ամսագրում հրապարակված հետազոտությունը ցույց է տվել, որ 20-59 տարեկան կանայք, որոնք հազվադեպ են զբաղվել սեքսով՝ շաբաթը մեկ անգամից քիչ, ենթարկվել են բոլոր պատճառներից մահացության վտանգի 70 տոկոս ավելացման։

Կանանց մոտ հաճախակի սեքսուալ ակտիվությունն ամրացնում է կոնքի մկանները, որոնք նպաստավոր են միզափամփուշտի, դրա ֆունկցիայի բարելավման համար։

Սեքսը նվազեցնում է սթրեսը եւ անհանգստությունը։ Քիմիական նյութերը, որոնք արտադրվում են սեռական բավարարվածության ժամանակ, ներառում են օկսիտոցինը, էնդոֆրինները, սերոտոնինը եւ դոֆամինը, որոնք կարող են բարելավել տրամադրությունը եւ էներգիայի մակարդակը [եւ] բարձրացնել մոտիվացիան»։

Մարդիկ, ովքեր հրաժարվում են ֆիզիկական մերձությունից, կարող են տակտիլ քաղց զգալ, ինչը կարող է թուլացնել իմունային համակարգը եւ հանգեցնել դեպրեսիայի եւ տագնապայնության մակարդակի բարձրացման։