Նիկոլ Փաշինյանն ասում է՝ եկեք գնանք զիջումներով ստորագրենք խաղաղության պայմանագիր, բայց դրանից հետո էլ ասում է՝ որեւէ խաղաղության ու անվտանգության երաշխիք չկա. այդ դեպքում ինչու ես գնում ստորագրես: Այս մասին, այսօր՝ հոկտեմբերի 31-ին, մամուլի ասուլիսում նշեց ԱԺ «Հայաստան» խմբակցության պատգամավոր Իշխան Սաղաթելյանը:
«Եթե դու թշնամու գործակալ չես, ինչո՞ւ ես ստորագրում: Չես կարողանում, թող ռադդ քաշի: Եթե ասում ես՝ ես ամեն ինչ անում եմ ու դրա արդյունքում ունենք նոր զոհեր ու կորուստներ, այդ դեպքում ինչո՞ւ ես մնացել իշխանության: Դու ես պրոբլեմը, դու ես բերել, հասցրել այս օրվան: Իր իշխանությունը պհելու համար պատրաստ է Սյունիքն էլ տա, Արցախն էլ տա, Գեղարքունիքն էլ որպես բոնուս կտա, մենակ մնա իշխանության:
Բանակցողին փոխելու լուծում ենք առնվազն երկու հարց. իր հետ գնալով տանելու է բոլոր բանավոր պայմանավորվածությունները, ունենալու ենք ժամանակ ստեղծված իրավիճակից ավելի արդյունավետ աշխատանքները կազմակերպելու եւ դուրս գալու համար:
Մենք պետք է նոյեմբերի 5-ին գանք ու ասենք, որ երկիրը հանձնելու գործում Նիկոլը մենակ է՝ Էդմոն, Արամ-մարամ լպրծուններով, որոնք Նիկոլից Նիկոլ են: Իրենց վզին Նիկոլի չափ արյուն կա»:
0Comments