Պոդգորիցայում բերման են ենթարկել մոսկովյան «Չերկիզովսկի» շուկայի նախկին տնօրեն Թելման Իսմայիլովին, հաղորդում է «Կոմերսանտ»-ը՝ վկայակոչելով Չեռնոգորիայի ոստիկանությունը:
2017 թվականի նոյեմբերի 11-ին ադրբեջանցի Իսմայիլովի փաստաբան Մարինա Ռուսակովան հայտարարել էր, որ իր պաշտպանյալին մեղադրանք է առաջադրվել երկու անձի սպանության կազմակերպման և զենքի անօրինական շրջանառության համար: 2019 թվականի հոկտեմբեր ամսվա դրությամբ, իր եղբոր՝ Վագիֆի հետ, Իսմայիլովը գտնվում էր հետախուզման մեջ:
Ըստ «Կոմերսանտ»-ի, 2019 թվականին Շվեյցարիայում Թելման Իսմայիլովի դեմ քրեական գործ է հարուցվել՝ երեք հոդվածով: Ինչպես նաև 2019-ին Իսմայիլովի պարտքերի պատճառով կալանք է դրվել նրա որդու՝ Ալեքպերի՝ Չեռնոգորիայում գտնվող խաղատան վրա:
0Comments