65-ամյա տղամարդը մահացել է բադի ձվերի թունավորումից

^{65-ամյա Նիպտուն Տավակոլին՝ Սաութ Յորքշիրի կոմսությունից, մահացել է բադի ձվերի թունավորումից, որոնք նա գնել է Լինքոլնշիր կոմսության հյուսիսի գյուղական տոնավաճառում։}

^{BBC News տեղեկատվական գործակալությունը հայտնում է, որ տղամարդը ձվերը գնել է հունիսի սկզբին եւ մի քանի օրից պատրաստել ու կերել է 4 ձու։ Շուտով նրա մոտ լուծ է սկսվել, առաջացել է թուլություն։ Երբ նա դիմել է բժշկի, նրան սալմոնելյոզ են ախտորոշել։}

^{Օգոստոսի կեսին տղամարդը մահացել է օրգանների չաշխատելու պատճառով։}

^{Տավակոլիի ազգականները պնդում են, որ նա երկար տարիներ աշխատել է հասարակական սննդի ասպարեզում եւ գիտեր ինչպես ճիշտ պատրաստել բադի ձվերը։ Ավելին, նրանց խոսքերով, նա առողջ էր եւ ամուր։}

^{BBC-ի տվյալներով, Տավակոլին երկրորդ մարդն է, որ վարակվել է սալմոնելյոզով այն բանից հետո, երբ գնել է Ջենի Սերքամի ֆերմայի մթերքներից։}

^{Վերահսկող մարմինները այժմ ստուգում են վերջինիս բադերին, որոնց մի մասին Տավակոլիի մահվանից հետո, կնոջ խոսքերով, «աղվեսները կերել են»։}

^{Պարենային ստանդարտների գործակալության ներկայացուցիչները նշել են, որ ֆերմայի ստուգված ձվերի վրա դրոշմ է դրվում, որը թույլ է տալիս դրանք վաճառել։ Սակայն այդ ստանդարտները վերաբերում են միայն հավի ձվերին։} 

^{Հաստատությունը խորհուրդ է տվել երեխաներին, ծերերին եւ առողջական խնդիր ունեցողներին խուսափել սննդի մեջ բադի հում կամ ոչ բավարար եփված ձվեր գործածելուց։}