Լավ, էս երկրում մի կենդանի իրավագետ չկա՞

^{Ի՞նչ եք ուզում մեր երկրից, ի՞նչ եք ուզում հայ ազգից։}

^{Իսկ ո՞վ ասաց, որ Հայաստանի դատական համակարգն ավելի վատն է, քան այն երկրներինը, որոնք «խորհուրդներ» ու դրամաշնորհներ չեն խնայում, որպեսզի մեր դատական համակարգը «ավելի լավը» լինի, իբր` բարեփոխենք, էլ չեմ ասում` «անցումային», «վեթթինգ», չգիտեմ ինչ…}

^{Կա՞ մեկը որ մարդավարի բացատրի, թե` ինչպե՞ս են գնահատում դատական համակարգի աշխատանքը:}

^{Կա՞ն ինչ-որ ցուցանիշներ, թվեր, գնահատականներ, չափանիշներ, համեմատական վերլուծություններ: Շատ չէ, գոնե մի քանի կարևորները: Կա՞ ինչ-որ վարկանիշային ցանկ, թե Հայաստանը, այս առումով,  երկրների ո՞ր խմբին է դասվում: Եվ, օրինակ` ինչպիսի՞ բարեփոխումներ են իրականացվում այդ երկրներում: Կա՞ն ինչ-որ օբյեկտիվ չափանիշներ, չափելի ցուցանիշներ:}

^{Թե՞ սա էլ` կոռուպցիայի աստիճանի գնահատման պես մի բան է` ով շատ ֆեյք ունի, և ով շատ կողմնակից ակտիվ ՀԿ-ներ ու գրանտակերներ, և շատ է աղմկում, նա էլ ճիշտ է…}

^{Այս կարգի մոտեցման արդյունքում չէ՞ր, որ Հայաստանում տարիներ շարունակ ամենակոռումպացվածը համարվում էին առողջապահությունն ու կրթությունը: Խեղճ բժիշկներ և ուսուցիչներ:}

^{Սա աբսուրդ չէ՞…}

^{Օրինակ, ո՞վ կարող է ասել` մեր դատական համակա՞րգն է ավելի լավը, թե` օրինակ, Ֆրանսիայինը, Գերմանիայինը, կամ ասենք` Չեխիայինը, կամ Հունաստանինը: Թե՞ Արևելյան Թիմորինն ու Ալբանիայինը, ինչո՞վ են չափում:}

^{Ասեք էլի…  Թե չէ` էլ անցումային, էլ վեթթինգ, պետտինգ, էլ եսիմ ինչ զըրթ ու զիբիլ, Սորոս-մորոս, Կառանզա, ի՞նչ գործ ունեն մեր արդարադատության հետ: Նրանք էս ամեն ինչը անելու են, երկիրը քայքայեն ու թողնեն գնան իրենց երկրներ՝ մեծ գումարներ ստանալով կատարածի համար։}

^{Բարձրացված արհեստական աղմուկո՞վ է որոշվում, դատարկ, պատվերով հայտարարություններո՞վ, թե՞  իրական գնահատականներ ու մեթոդիկա կա:}

^{Իսկ եթե կա, ապա` որտե՞ղ էինք, ասենք, 1995-1996-ին, հետո` 2007-ին, հետո` 2018-ին, և որտե՞ղ ենք հիմա` այս աղմկահարույց քաղաքական դատավարություններից և ցինիկ գաղտնալսումներից հետո: Որո՞նք են մեզ նման երկրները:}

^{Այսինքն` բարեփոխումների դինամիկան ինչպիսի՞ն է:}

^{Ո՞վ կասի… Լավ, էս երկրում մի կենդանի իրավագետ չկա՞…}

^{Ալեքսանդր Գրիգորյան}

^{ՀՀ քաղաքացի}