Գերմանիայի կանցլեր Օլաֆ Շոլցը զարմանք է հայտնել Գրենլանդիայի և Կանադայի վերաբերյալ ԱՄՆ նորընտիր նախագահ Դոնալդ Թրամփի խոսքերի կապակցությամբ՝ հայտարարելով, որ եվրոպացի գործընկերները համաձայն են, որ սահմանների անձեռնմխելիությունը միջազգային իրավունքի հիմնարար սկզբունքն է։ Այս մասին հայտնում է Reuters-ը։
«Այս սկզբունքը կիրառվում է և հանդիսանում է մեր խաղաղ կարգի հիմքը», - չորեքշաբթի օրը լրագրողներին ասել է Շոլցը:
«Մեր եվրոպացի գործընկերների հետ իմ քննարկումների ժամանակ որոշակի թյուրիմացություն առաջացավ՝ կապված ԱՄՆ վերջին հայտարարությունների հետ»,- նշել է Գերմանիայի կանցլերը։
Շոլցը նաև ասել է, որ ՆԱՏՕ-ի դաշնակիցները միմյանց հետ համաձայնեցնելով կուժեղացնեն պաշտպանական կարողությունները: «Կարևոր է, որ մենք միասնական լինենք այս հարցերում և մեկտեղենք մեր գործողությունները»,- ասել է նա։
Երեքշաբթի Թրամփը հայտարարել էր, որ ՆԱՏՕ-ի անդամները իրենց համախառն ներքին արդյունքի (ՀՆԱ) 5%-ը պետք է ծախսեն պաշտպանության վրա, ինչը շատ ավելին է, քան ներկայիս 2%-ը։
0Comments