Ուկրաինայի հետ Թուրքիայի ռազմատեխնիկական համագործակցությունը տարակուսելի է՝ հաշվի առնելով Անկարայի՝ ռուս-ուկրաինական հակամարտությունում միջնորդ լինելու ցանկությունը։ Այս մասին Hurriyet թերթին տված հարցազրույցում հայտարարել է ՌԴ ԱԳ նախարար Սերգեյ Լավրովը։
«Ցավոք, Անկարան շարունակում է համագործակցել Կիևի ռեժիմի հետ ռազմատեխնիկական ոլորտում։ Թուրքական զենքն օգտագործվում է Ուկրաինայի զինված ուժերի կողմից ռուս զինվորականների և խաղաղ բնակիչների սպանության համար։ Սա չի կարող տարակուսանք չառաջացնել թուրքական ղեկավարության կողմից միջնորդական ծառայություններ մատուցելու պատրաստակամության մասին հայտարարությունների ֆոնին»,- հայտարարել է նախարարը։
Միևնույն ժամանակ նա նշել է, որ Ռուսաստանը բարձր է գնահատում Թուրքիայի ջանքերը՝ օգնելու լուծել ուկրաինական ճգնաժամը։ «Թուրքական կողմն էր, որ 2022 թվականի գարնանը Ստամբուլում հարթակ տրամադրեց Կիևի ներկայացուցիչների հետ խորհրդակցությունների համար և նպաստեց հացահատիկի գործարքի կնքմանը։
Ստամբուլի բանակցությունները «թաղվեցին» անգլո-սաքսոնների կողմից՝ արգելելով Վլադիմիր Զելենսկիին համաձայնագրեր կնքել, որոնք կարող էին դադարեցնել մարտերը և ապահովել ներգրավված կողմերի շահերի հավասարակշռությունը»,- հիշեցրել է Լավրովը։
0Comments