ՀԱՄԱՍ-ը կպատասխանի Իսրայելին շարժման քաղբյուրոյի ղեկավար Իսմայիլ Հանիեի սպանության համար, РИА Новости-ին հայտնել է Ալժիրում կազմակերպության ներկայացուցիչ Յուսեֆ Համդանը։
«Իրանի նախագահի երդմնակալությանը մասնակցելուց հետո հերոս Իսմայիլ Հանիեի մահը չի ազդի ՀԱՄԱՍ-ի ղեկավարության և նրա կառույցների որոշումների վրա։ Իսրայելը կհատուցի այս հանցագործության և մեր ժողովրդի դեմ կատարված բոլոր հանցագործությունների գինը»,- ընդգծել է նա։
Հանիեն սպանվել է Իրանի մայրաքաղաքում իր բնակության վայրի վրա հարձակման արդյունքում։ Ըստ ՀԱՄԱՍ-ի հայտարարության՝ քաղբյուրոյի ղեկավարը սպանվել է իսրայելական հարձակման արդյունքում, երբ նա մասնակցել է Իրանի նոր նախագահի երդմնակալության արարողությանը։
Իսրայելի պաշտպանության բանակի պաշտոնյաները Հանիեի սպանությունից հետո հրաժարվել են CNN-ին մեկնաբանություն տալ՝ հայտարարելով, որ իրենք «չեն արձագանքում օտարերկրյա լրատվամիջոցների հաղորդագրություններին»։ Սպիտակ տունը հեռուստաալիքին հայտնել է, որ իրենք տեղյակ են տեղի ունեցածի մասին և հրաժարվել են հետագա քննարկումից:
0Comments