Սիբիրն այրվում է. Կրակների մեջ գյուղեր, դաշտեր և անտառներ են հայտնվել․ Տեսանյութ

Մանրամասները՝ տեսանյութում
Սիբիր

Ուժեղ քամին աղետի է վերածել Կրասնոյարսկի երկրամասն ու Խակասիան։ Այրվում են դաշտեր, անտառներ և տներ։

Աբականի մոտ կրակը շատ մոտ է եկել Կալինինո գյուղին։ Բնակավայրի ղեկավարը բնակիչներին կոչ է արել բահերով ու ավելներով դուրս գալ, որպեսզի հրդեհը գյուղ չտարածվի։ Գյուղի մոտ գտնվող այգեգործության տարածքում արդեն տներ են այրվել, տարհանման կոչեր են արվում։

Մինուսինսկում և մոտակա գյուղերում՝ Զայմկա, Նովոսելովո, իրավիճակն էլ ավելի վատացել։ Քամին կրակը երկինք է բարձրացնում, տանիքներ է պոկում և բոցեր քշում փողոցներով: Մարդիկ օգնություն են խնդրում, որոշ բնակավայրեր հայտնվել են ծխի մեջ։

Արտակարգ իրավիճակների նախարարության հաղորդագրության համաձայն՝ որոշ շրջաններում արդեն ուժեր են տեղակայվում։