Ակնկալվում է, որ Իրանը հինգ տարվա ընթացքում առաջին անգամ կվերսկսի նավթի և գազի հետախուզումը Պարսից ծոցի շելֆում, հայտարարել է Իրանի ազգային նավթային ընկերության (NIOC) հետախուզական տնօրինության ղեկավար Մոհիեդդին Ջաֆարին, հաղորդում է Mehr-ը։
Շաբաթ օրը նա հայտարարել է, որ ծովում հետախուզական աշխատանքները դադարեցվել են 2019 թվականից՝ ծովային հորատման սարքավորումների պակասի պատճառով:
Սակայն, ինչպես նշել է Ջաֆարին, նոր մրցույթից հետո ընտրվել է ծովային հորատման սարքավորմամբ կապալառու, ինչը ճանապարհ է հարթում 2025 թվականին հարևան երկրների հետ սահմանամերձ տարածքներում աշխատանքի վերսկսման համար։
Անցած վեցուկես ամսվա ընթացքում NIOC-ի երկրաբանական հետախուզական թիմը զբաղվել է և՛ հիմնական հետախուզական, և՛ օպերատիվ գործունեությամբ, ասել է Ջաֆարին՝ հավելելով, որ Իրանի նախագահ Մասուդ Փեզեշկիանի վարչակազմը ձգտում է վերլուծել և գնահատել երկրաբանական հետախուզական գործունեության զարգացումը վերջին 30 տարվա ընթացքում:
Ջաֆարին ասել է, որ վարչակազմի գլխավոր առաջնահերթություններից մեկն է արագացնել հանքավայրերի հայտնաբերման տեմպերը՝ հորատման սարքավորումների քանակն ավելացնելով և ժամանակակից երկրաֆիզիկական սարքավորումներ օգտագործելով:
«Եթե մենք հաջողության հասնենք այս երկու ոլորտներում, կկարողանանք կրկնապատկել որոնման տեմպերը», – ավելացրել է նա:
0Comments